Tikanga ā-Iwi

kaitiakitanga hautaonga

product stewardship

tūingoa

WHAKAMĀRAMA

Ko te haepapa o ngā kaiwhakaputa hautaonga, o ngā kaihoko, o ngā kaiwhakapeto anō hoki, ki te whakaiti i te pāpātanga kino o te hautaonga ki te taiao.

The responsibility of producers, retailers and consumers of goods to minimise the detrimental impact of those goods on the environment.

Tauira KŌrero

He aha ngā kōrero mō te kaitiakitanga hautaonga kei roto i Te Pire Whakaiti Para 2008?

Ko te tino whāinga o te kaitiakitanga hautaonga, kia tiakina a Papatūānuku me tōna ora.

Ko ngā momo tākai hautaonga tētahi aronga matua o te kaitiakitanga hautaonga.

WhakamĀrama Āpitihanga

Ko te wāhi ki ngā kaiwhakaputa o roto i te kaitiakitanga hautaonga, ko te whakaiti i te para ka puta i te waihangatanga o te hautaonga, he whakamahi i ngā rawa hangarua, i te tākai kurupopo, i te pūngao whakahou, otirā, ko ērā momo kaupapa e iti ai te tapuwae waro me te pāpātanga kino ki te taiao. Ka kīia tērā ko te haepapa kaiwhakaputa.

Arā hoki ngā kaupapa poapoa e manawanui ai te kaihoko i te hautaonga ki te kawe i tōna haepapa kaiwhakapeto kia tukuruatia, kia hangaruatia te hautaonga. Hei tauira:

Ko te hokomuri. Ko tā te kaihoko whakahoki i tētahi porohanga o te hautaonga i hokona e ia ki te umanga, ki te pakihi rānei nāna taua hautaonga i whakaputa, me te aha ka riro i a ia tētahi paku utu. Ko te kaupapa hokomuri pātara tētahi tauira.
Ko te hokimuri. He āhua rite ki te hokomuri i runga nei, engari karekau he utu e riro i te tangata mōna ka whakahoki i te porohanga o te hautaonga.

Tauira KŌrero

He aha ngā kōrero mō te kaitiakitanga hautaonga kei roto i Te Pire Whakaiti Para 2008?

Ko te tino whāinga o te kaitiakitanga hautaonga, kia tiakina a Papatūānuku me tōna ora.

Ko ngā momo tākai hautaonga tētahi aronga matua o te kaitiakitanga hautaonga.