!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi
 
X
Hangarau

kāhono ~a

weld

tūingoa, tūmahi whiti, tūāhua

WHAKAMĀRAMA

Ko te whakapiri i ētahi poro maitai e rua kia mau. Mā te whakawera e rewa ai ngā poro maitai e rua, ā, ka piri tētahi ki tētahi i te mātaotanga.

The joining together of two pieces of metal to hold firm. By heating, the pieces of metal become molten and fuse together when cooled.

Tauira KŌrero

Ko tāna mahi i tēnei rā, he kāhono i ngā wāhanga o tana mahi toi.

He tino kaha te mau o te kāhono, kore rawa e wewete.

Kua hokona e te kura ētahi taputapu kāhono hou.

WhakamĀrama Āpitihanga

Ko tā te kāhono, he whakawera i ngā poro maitai e rua e whakapiria ana ki runga ake i te pae rewa o te maitai, hei reira konanutia ai ngā maitai rewa e rua. I ētahi momo kāhono ka whāngaihia atu he maitai atu anō, ka kīia he maitai whakakikī. I te mātaotanga ka mau kia ita te hononga o ngā maitai e rua. Ka kīia ngā maitai e kāhonoa ana ko ngā maitai pūtake.

Hei tauira tēnei o te pūmura haurehu. Ka whakaputaina he mura tino pūkākā mā te whakahanumi i tētahi kora pērā i te āwaro, me te hāora:

Hei tauira o te kāhono haurehu:

He pūmura kanapu tēnei. Mā te pā o te hiko e rukea ai te kanapu i waenganui i te tia kawehiko o te pūmura me ngā maitai e kāhonoa ana. Ka rewa ngā maitai i te kaha nui o te wera, ā, ka piri i te mātaotanga:

I konei e honoa ana ngā paipa ki te kāhono kanapu:

I roto i te tukanga kāhono kanapu, he whaipara ka toe mai i runga i te wāhi kāhono. He hua tērā ka puta i te mātaotanga o te maru kāhono kei roto i te tia kawehiko. I te weratanga o te maru kāhono ka puta he haurehu e pātata ana ki te wāhi kāhono, koia hei whakamaru i te maitai rewa kia kore ai e tāhawahawatia e te hau takiwā:

I ētahi wā, ko te kāhono taratiti te kāhono tuatahi. Arā, ka kāhonoa ētahi wāhi iti noa iho, kātahi ka āta tirohia mēnā e tika ana te noho tahi mai o ngā poro maitai. Ki te kore, he māmā ake te wewete i te hononga. Mēnā e tika ana, kātahi ka āta kāhonoa te katoa. He taupua te kāhono taratiti.

Ko te kāhono tongi tētahi momo kāhono i ētahi poro hīti maitai, tētahi ki runga i tētahi. E rua ngā tia kawehiko o te pūrere kāhono tongi, ka puritia tētahi ki runga, tētahi ki raro. Ka pēhia, ā, i te rukenga mai o te hiko ka kāhonoa taua pūwāhi:

He mīhini kāhono tongi tēnei:

Takenga Mai

kā - to burn, glow

hono - to join

Tauira KŌrero

Ko tāna mahi i tēnei rā, he kāhono i ngā wāhanga o tana mahi toi.

He tino kaha te mau o te kāhono, kore rawa e wewete.

Kua hokona e te kura ētahi taputapu kāhono hou.

WhakamĀrama Āpitihanga