WhakamĀrama Āpitihanga
He rohe pōtae tō tēnā iwi, tō tēnā iwi, arā, ko ngā whenua i nōhia ai e ō rātou tīpuna, ā, e mau tonu ana te mana ki aua wāhi rā, moroki noa nei. He mahere tēnei e whakaatu ana i ngā takiwā noho, i ngā rohe pōtae o ētahi o ngā iwi o Aotearoa:
E tohua ana ētahi o ngā iwi i te mahere o Te Ika-a-Māui e whai ake nei . Pāwhiria a konei kia puta ai te whakarahinga o te mahere.
E tohua ana ētahi o ngā iwi i te mahere o Te Waipounamu e whai ake nei . Pāwhiria a konei kia puta ai te whakarahinga o te mahere.
Ko te hapū tētahi wehenga o roto i te iwi, he huihuinga whānau, ā, i te nuinga o te wā he marae anō tō tēnā hapū, tō tēnā hapū.
Ko ētahi āhuatanga motuhake o te tuakiri o tētahi iwi, ko ōna kōrero tuku iho, ko te mita ake o tōna reo, ko tōna ipukarea, ko te āhua o āna mahi toi.
Ka whakamahia hoki te kupu nei, te 'iwi', hei whakaahua i ngā tāngata o tētahi whenua whānui, o tētahi rōpū kē atu, o tētahi whakahaere rānei. Hei tauira, ko 'te iwi o Aotearoa' hei tohu i ngā tāngata katoa kei Aotearoa e noho ana; ko 'te iwi Māori' hei tohu i ngā tāngata Māori katoa.