WhakamĀrama Āpitihanga
Ko tā te tūmau inuwera, he whakarite i ngā momo inu e hokona ana i te toa kawhe. Koia nei ētahi:
- Ko ngā momo tī, pērā i te tī Ingarihi me te tī kākāriki. Arā hoki ngā tī amiami, pērā i te tī hīoi me te tī kamomire.
- Ko ngā momo kawhe, pērā i te pango poto, i te pango roa, i te mōwai, i te rate, i te kaputino me te mokatino.
He pūwhakaranu tēnei, ka whakamahia hei whakarite kotēranu. Ka whakaranua te huarākau, te huawhenua me te huamiraka, pērā i te waipupuru, i te aihikirīmi me te miraka tonu:
Arā hoki ngā inu nei, te tī moī me te haira, e kōrerohia ana ngā painga hauora.
Kāore e pai ana kia rite tonu tā te tangata inu i ngā momo waireka, pērā i te inu mirumiru me te wai huarākau, inā te nui o te huka kei roto.
Ko te waimāori mirumiru tētahi atu momo inu. Mā te kuhu i te hauhā ki roto i tētahi wai e whakamirumirutia ai.
Ko ngā momo inu whakahohe hoki ērā, he nui te huka me te kāwhine kei roto.