WhakamĀrama Āpitihanga
Koia nei ētahi o ngā āhuatanga e taea ana te ine, me ētahi waeine arowhānui mō tēnā me tēnā:
| te roa | mita (m), mitarau (cm), mitamano (mm), manomita (km) |
| te taumaha | karamu (g), karamumano (mg), manokaramu (kg), tana (t) |
| te kītanga | rita (l), ritamano (ml) |
| te rōrahi | mita pūtoru (m3), mitarau pūtoru (cm3) |
| te horahanga | mita pūrua (m2), mitarau pūrua (cm2) |
| te koki | putu (°) |
| te paemahana | putu (°) |
| te wā | tau, Marama, wiki, rā, haora, meneti, hākona |
| te tere | manomita i te haora (km/h) |
| te kiato | manokaramu i te mita pūtoru (kg/m3) |
| te iahiko | wae iahiko (A) |
Ko tētahi ako tōmua i te ine ko te whakatairite mata ki te mata. Arā, ka whakanōhia ngā mea e rua e inea ana, tētahi ki te taha o tētahi, kia kitea ai ko tēhea te mea nui, ko tēhea te mea iti, mēnā rānei e ōrite ana te rahi. Hei tauira o te whakatairite mata ki te mata:
Ina taunga te ākonga ki te whakatairite mata ki te mata, ko te whakatairite autaki te kaupae ka whai atu i muri. Arā, ka whakamahia tētahi mea kē atu hei whakatairite i te rahi o ētahi mea e rua. Hei tauira, ka whakamahia he aho kia kitea ai mēnā he iti ake te whānui o te tēpu i te whānui o te kūaha:
| I roto i te mahi ine, ka tāruaruatia te waeine, ka wāwāhia rānei, kia āta kitea ai te maha o ngā waeine e rite ana ki te mea e inea ana: |  |
E tika ana kia tāruaruatia te waeine, pito ki te pito, karekau he āputa ki waenganui, kāore hoki e inaki:
 | E whakamahia ana te pene hei waeine arokē, engari e hē ana nā te mea he āputa kei waenganui i ngā pene. |
 | Kei te hē hoki tēnei nā te mea e inaki ana ngā pene. |
He whakaawhiwhinga ngā inenga katoa. Kei te rahi o te waeine me te horopaki o te ine, te tōtika o te inenga. Hei tauira:
Kāore he take o te tohutohu kia kania tētahi papa rākau kia 625.789345mm te roa – e kore e taea kia pērā rawa te tōtika. Ka whakaawhiwhia ki te 626mm, koirā te inenga whaitake.
Hei tauira anō:
 | Ka whakaawhiwhia te inenga ki te 15cm nā te mea koirā te waeine e whakaaturia ana i te rūri (he paku iti iho te whānui o te pukapuka i te 15cm). |
 | I konei ka whakaawhiwhia te inenga ki te 14.8cm nā te mea e whakaaturia ana ngā hautekau mitarau i te rūri. |