īako

WhakamĀrama Āpitihanga

Koia nei ētahi momo īako:

• Ko te ako tukurua. I konei, ka noho ngā akoranga ki runga ipurangi, whatungaroto rānei, hei tiki ake mā te ākonga, hei tirotiro anō māna i te akoranga kua oti kē i mua. Ākene pea he ataata e whakaatu ana i te akoranga, ā, ka taea e te ākonga te pupuri, te hoki whakamuri, te āta haere hoki, kia tino ū ai te akoranga ki tōna hinengaro.
• Ko te ako tononoa. He āhua rite ki te ako tukurua, engari ehara i te tukurua i tētahi akoranga kua oti kē i mua. Ka tīkina ake e te ākonga ngā akoranga e hāngai ana ki a ia i te wā e pai ana ki a ia.
• Ko te ako hanumi. He wāhanga tuihono, he wāhanga kanohi ki te kanohi hoki kei tēnei momo ako.
• Ko te ako tuihono. Mā te paetukutuku e tūhono atu ai te ākonga ki tēnei momo ako. Ka tukuna ngā rauemi, ngā akoranga, ngā tohutohu katoa ki a ia mā te ipurangi, waihoki he tuihono anō ngā whakawhitiwhiti kōrero me tōna pouako, tae atu ki ngā aromatawai.