WhakamĀrama Āpitihanga
Mēnā ka tukuna e te tangata he tahua moni hei pupuri mā te pēke mō tētahi wā, ka kīia tērā, ko te haumitanga wā tūmau. Ka riro i te tangata he huamoni mō tana haumitanga. Ko te tahua more hei ingoa mō te moni ka tukuna hei pūtea haumi. E rua ngā momo huamoni matua:
- Ko te huamoni tūpā. I konei ka tātaihia te huamoni i runga i te nui o te tahua more i ia tau.
- Ko te huamoni whakaputu. Ka tāpiria haerehia te huamoni ki te tahua more i ia tau (i ia rā, i ia marama rānei) o te wā haumi.
Hei whakaahua i te tipu o te huamoni i te takanga o te wā:
Ko te mōkete tētahi tauira o te moni taurewa ka tukuna e te pēke, ka minoa e te tangata hei hoko whare mōna. Mēnā he pāpātanga pūmau te huamoni ka utua e te tangata mō tana mōkete, kāore e rerekē haere te ōrau huamoni mō te roanga atu o te wā ka whakaritea e te pēke (pērā i te toru tau). Mēnā he pāpātanga taurangi, ka whakapikia, ka whakahekea rānei e te pēke, nā runga anō i ngā āhuatanga ohaoha o te wā.
Ko tētahi o ngā whakaritenga o te mōkete, ko te mea ka whakataurangitia e te kirimino ka riro i te pēke mēnā kāore ia e utu i tana nama. Ka kīia tērā ko te huarawa taurangi.