WhakamĀrama Āpitihanga
Ko te kauwhata kauamo te whakaaturanga matua i te hora o tētahi huinga raraunga. Hei tauira:
Ko te ine mahora tētahi atu tātaitanga tauanga hei whakaatu i te hora o tētahi huinga raraunga. Ko tā te ine mahora he whakaatu i te pātata, i te tawhiti rānei o ngā raraunga mai i te toharite o aua raraunga. Hei tauira:
- Ka tīpakona ētahi ākonga 10, mai i te 9 ki te 18 ō rātou pakeke. Ka inea ō rātou tāroaroa (hei mita): {1.8, 1.3, 1.5, 1.9, 1.7, 1.2, 1.6, 1.6, 1.7, 1.5}. Ko te 0.215 te ine mahora o tēnei tīpako. Arā, he nui te rerekē o ngā tāroaroa i te tāroaroa toharite. He whānui te hora o ngā raraunga.
- Ka tīpakona ētahi atu ākonga 10, 17 tau ō rātou pakeke katoa. Ka inea ō rātou tāroaroa (hei mita): {1.7, 1.75, 1.55, 1.65, 1.6, 1.7, 1.7, 1.75, 1.6, 1.65}. Ko te 0.067 te ine mahora o tēnei tīpako. Arā, he iti te rerekē o ngā tāroaroa i te tāroaroa toharite. He whāiti te hora o ngā raraunga.
He tuari māori te hora o ngā inenga tāroaroa o te hunga tāne o Aotearoa he nui ake i te 18 tau te pakeke. Ko te 1.78 mita te tāroaroa toharite, ko te 0.07 mita (7mm) te ine mahora. Nō reira:
- E pātata ana ki te 68% o te taupori nei, he iti ake i te kotahi ine mahora te rerekē i te tāroaroa toharite, arā, kei waenganui rātou i te 1.78 - 0.07 me te 1.78 + 0.07. (1.71
- E pātata ana ki te 95% o te taupori nei, he iti ake i te rua ine mahora te rerekē i te tāroaroa toharite, arā, kei waenganui rātou i te 1.78 - (0.07 x 2) me te 1.78 + (0.07 x 2). (1.64
- E pātata ana ki te 99.7% o te taupori nei, he iti ake i te toru ine mahora te rerekē i te tāroaroa toharite, arā, kei waenganui rātou i te 1.78 - (0.07 x 3) me te 1.78 + (0.07 x 3). (1.57
