Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi

Hangarau

honohono wāwāhi

knock-down joint, knock-down fitting

tūingoa

WHAKAMĀRAMA

He momo whakapiri i ngā wāhanga o tētahi taonga, he mea hoahoa kia taea aua wāhanga te whakawehe me te whakapiri anō.

A way of joining the parts of an object together that is designed so that those parts can be disassembled and then rejoined.

Tauira KŌrero

He honohono wāwāhi kei te nuinga o ngā moenga.

He pai ake pea mēnā he honohono wāwāhi hei whakapiri i ngā wāhanga o te taonga nei.

Me āta huri te tīwiri o te honohono wāwāhi kia kore ai e whati.

WhakamĀrama Āpitihanga

Ka whakamahia he tīwiri i te nuinga o ngā momo honohono wāwāhi. Hei tauira māmā:

Ka whakamahia he honohono wāwāhi i ngā taonga e hokona ana hei taonga tākai pararahi. Ka tākaitia ngā wāhanga o te taonga ki tētahi pūhera papatahi nei, ā, ka riro mā te kaihoko e whakapiri. Ka kīia hoki tēnei he kete waihanga. He iti ake te utu o te kete waihanga i te utu o te taonga ake, waihoki he nui ngā tāngata e rata ana ki te mahi kiriaro, arā, mā ō rātou ake ringa e hangaia ai te taonga. Hei tauira o tētahi tēpu tākai pararahi:

Takenga Mai

honohono - to join together

wāwāhi - to split, divide, break open

Tauira KŌrero

He honohono wāwāhi kei te nuinga o ngā moenga.

He pai ake pea mēnā he honohono wāwāhi hei whakapiri i ngā wāhanga o te taonga nei.

Me āta huri te tīwiri o te honohono wāwāhi kia kore ai e whati.