He matū ngingiha, he pūhui o te waro me te hauwai. Ka takea mai te hinu i ngā momo tipu (pērā i te ōriwa), ka takea mai rānei i a Papatūānuku (ko te hinu māori tērā). He nui te whakamahinga o te hinu pērā i te tunu kai, te kīnaki kai, te pani, te kakara, te whakaputa rānei i ngā momo kora pērā i te hinuheu me te kōhinu. He momo ngako te hinu, ka noho hei wē i te paemahana ā-whare. He nui te pūngao o roto i te hinu, ā, koia tētahi o ngā rōpū kai matua e ora ai te tangata, e whai pūngao ai ia. Whakamahia ai te hinu e ngā mātua tūpuna hei rokiroki kai.
A flammable substance composed mainly of carbon and hydrogen. Oil mainly comes from plants (such as the olive tree) or from the Earth (crude oil). Oil is used in many ways such as in cooking, in cosmetics and perfume, and in the production of fuels such as diesel and petrol. Oil is a lipid which is a liquid at room temperature. It is energy rich and is one of the main food groups required by people. Fat can be used to preserve food.
He aha ētahi o ngā tipu e whakamahia ana hei whakaputa hinu?
Tuhia he mahere hei whakaatu i ngā wāhi o Aotearoa e noho mai ana te hinu māori ki roto rā anō i a Papatūānuku.
Ka kitea a Matariki, kua maoka te hinu.