hautūtanga

leadership

Ko te mana me te āhei o te tangata ki te arataki, ki te whakaaweawe, ki te tohutohu i tētahi rōpū, i tētahi kaupapa rānei.

The authority and ability of a person to lead, influence and guide a particular group or endeavour.

Kua kopoua he kaihautū hou mō taua tari rā, ā, he rerekē tana tāera hautūtanga i tā te kaihautū o mua.

Kua tino kotiti te hautūtanga o te kaunihera i ngā tau tata kua hori nei.

Ko tana kaupapa rangahau, he whakatairite i te āhua o te hautūtanga Māori, me tā tauiwi.

E rua ngā tāera hautūtanga e kōrerohia whānuihia ana:

Ko te hautūtanga kaupare, ko te hautūtanga whakatuanui rānei. I konei ka puritia e te kaihautū te mana ki te whakatau i ngā take ki a ia anō, kāore ia e tuku mā tangata kē, mā te rōpū whānui rānei e whai wāhi mai ki te whakatau i ngā take, ki te whakatakoto whakaaro rānei.
Ko te hautūtanga kauawhi, ko te hautūtanga manapori rānei. Ko tā te kaihautū i konei, he whakamana i tana rōpū kia whai wāhi mai ki roto i ngā whiriwhiringa whakatau i ngā take mō te rōpū.

Koia nei ētahi āhuatanga nui, ētahi pūkenga matua o te kaihautū:

Ko te pai, ko te mārama o tana whakawhitiwhiti kōrero ki tana rōpū. Ko tana ngākaunui ki te whakarongo ki tana rōpū tētahi āhuatanga nui i konei.
Ko tana whakatauira i ngā mahi, i ngā whanonga, i ngā uara e hiahiatia ana mō te rōpū. Ka kīia tēnei ko te hautū whakatauira.
Ko tana amo i te haepapa hautū me tana tuku i te haepapa hautū i ngā wā e tika ana mō tēnā, mō tēnā.
Ko tana āhei ki te whakahihiko i tana rōpū.
Ko tana titiro whānui, whāroa hoki ki ngā kaupapa e pai ai te tū a te rōpū ki ngā mātātaki o te wā.

Kua kopoua he kaihautū hou mō taua tari rā, ā, he rerekē tana tāera hautūtanga i tā te kaihautū o mua.

Kua tino kotiti te hautūtanga o te kaunihera i ngā tau tata kua hori nei.

Ko tana kaupapa rangahau, he whakatairite i te āhua o te hautūtanga Māori, me tā tauiwi.