Para Kore

hautaonga hangakāinga

homemade product

tūingoa

WHAKAMĀRAMA

He hautaonga ka hangaia e te tangata e te whānau rānei i te kāinga, hei kaupare i te utu nui ki te hoko, me te whakamahinga o te matū horihori, matū tāoke anō hoki, ka whakararu i te hauora. Koia hoki hei kaupare i ngā momo tākai hautaonga ka hokona i te toa. Inā noa atu hoki te manawa reka o te tangata ki te whakamahi, ki te koha atu i āna hautaonga hangakāinga

A product made by a person or whānau in their home in order to avoid expensive purchase prices, and the use of artificial and toxic substances detrimental to health. It also avoids the many types of packaging used for commercial products. There is also large personal satisfaction from using and gifting homemade products.

Tauira KŌrero

Kua tahuri tōna whānau ki ngā hautaonga hangakāinga.

Ko tāna tohe, he oranga, he rangatiratanga kei roto i te whakamahi i ngā hautaonga hangakāinga.

He māmā noa iho te whakarite i ētahi hautaonga hangakāinga, pēnei i te patu mōrūruru.

WhakamĀrama Āpitihanga

He tauira te hautaonga hangakāinga o te mahi kuhutahi, arā, mā te kuhu a te tangata i a ia anō e ngata ai ōna hiahia.

Hei tauira o ētahi hautaonga hangakāinga he nui te whakamahia:

  • Ko ngā momo rongoā.
  • Ko ngā momo matū hei horoi i te tinana, i ngā kākahu, i ngā rīhi, i te whare, i mea kē atu rānei.
  • Ko te whakakakara.
  • Ko te patu mōrūruru.
  • Ko te panikiri.
  • Ko te pēniho.
  • Ko ngā hanga ikura pēnei i te kope.
  • Ko ngā momo taonga ā-whare pērā i te tūranga pukapuka.
  • Ko ngā momo kākahu.
  • Ko te tiakareti me ētahi atu momo kai tukatuka.

Ko te hinu tipu whaikaha tētahi whakaurunga matua o ētahi hautaonga hangakāinga maha. He mea unu ēnei hinu i ngā wāhanga o ētahi tipu, pērā i ngā rau, i ngā pua me ngā kiri. Ko te tarata, ko te harakeke, ko te mānuka me te kawakawa ētahi o ngā tipu taketake o Aotearoa ka unuhia he hinu tipu whaikaha.

Tauira KŌrero

Kua tahuri tōna whānau ki ngā hautaonga hangakāinga.

Ko tāna tohe, he oranga, he rangatiratanga kei roto i te whakamahi i ngā hautaonga hangakāinga.

He māmā noa iho te whakarite i ētahi hautaonga hangakāinga, pēnei i te patu mōrūruru.

WhakamĀrama Āpitihanga