Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia

Te Reo Pāngarau

haupū rawa

capital

tūingoa

WHAKAMĀRAMA

Ko te moni ka whakaurua ki tētahi pakihi hei hoko i ngā rawa e tutuki ai i taua pakihi āna mahi.

The money put into a business in order to buy the assets required for the business to operate.

Tauira KŌrero

Pēhea nei te rahi o te haupū rawa e kimihia ana e Teone mā, hei whakatū i tā rātou pakihi?

I ētahi whenua, ka tākehia te whakapikinga wāriu o te haupū rawa o te pakihi.

He mea tono pūtea taurewa i te pēke e Teone mā, hei haupū rawa mō tā rātou pakihi.

WhakamĀrama Āpitihanga

E toru ngā momo haupū rawa a tētahi pakihi:

Ko ngā rawa ōkiko, pērā i te whenua, te whare, te waka, me te rorohiko.
Ko ngā rawa tahua, pērā i te haumitanga moni.
Ko ngā āhuatanga ā-hinengaro, pērā i te ingoa o te pakihi (he wāriu tonu tō te ingoa mēnā e mōhio whānuitia ana), te mātauranga o ngā kaimahi me ngā manatārua e puritia ana.

Mēnā e ora pai ana te ōhanga, ā, e tika ana te whakahaere i te pakihi, ko te pikinga wāriu o te haupū rawa te hua. Arā, ka piki te wāriu o ngā rawa o te pakihi.

Mēnā kāore e pai ana te ōhanga, he koretake rānei te whakahaere i te pakihi, ko te hekenga wāriu o te haupū rawa te hua hei whakararu i te pakihi. Arā, ka heke te wāriu o ngā rawa o te pakihi.

Takenga Mai

haupū - lie in a heap

rawa - asset

Tauira KŌrero

Pēhea nei te rahi o te haupū rawa e kimihia ana e Teone mā, hei whakatū i tā rātou pakihi?

I ētahi whenua, ka tākehia te whakapikinga wāriu o te haupū rawa o te pakihi.

He mea tono pūtea taurewa i te pēke e Teone mā, hei haupū rawa mō tā rātou pakihi.