!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi, Hauora
 
X
Hauora

hauora niho

dental health, oral health

tūingoa

WHAKAMĀRAMA

E hāngai ana ki te āhua, ki te pai o ngā niho, o ngā tako, otirā, o roto i te waha. Ka whai wāhi atu ko te mahi e pai tonu ai te āhua o ēnei wāhi o te tinana.

Relating to the condition or wellness of teeth and gums, and the inside of the mouth. It also includes the actions to ensure these remain in good condition.  

Tauira KŌrero

He pēhea nei te hauora niho o ngā tamariki o tērā kāinga?

Ina eke te hauora niho o te tangata, ka pai anō tana hauora whānui, tae atu ki tana rongo i te kakato o te kai.

Kua roa e heke ana te hauora niho o aua tamariki rā, nā runga i te nui o te utu ki te haere ki te rata niho.

WhakamĀrama Āpitihanga

Ko te whāinga o te hauora niho, kia kaua te tangata e pākia ki te tunga niho me te tako pirau, kia tika hoki te tipu o ngā niho i te wā e tamariki ana, kia pakari tonu ai i te wā o te kaumātuatanga.

Koia nei ētahi kupu e hāngai ana ki te hauora niho:

  • Ko te hohore niho. Ko te tāmate haere tērā o te kirimārō o ngā niho, ka ara ake pea i te hē o te taitai, i te rite tonu rānei o te ngau i te kai mārō.
  • Ko te niho hawa. Koia ko te riwha o te niho ka hua ake i te ngaunga o tētahi mea mārō, i te tukitukia rānei e tētahi mea mārō.
  • Ko te whēwhē niho. Ko te pokenga tēnei o te niho, o te tako rānei. I ētahi wā, ka hua ake he kōhao niho i te wāhi e pokea ana, ā, ko tā te rata niho he rongoā i te pokenga me te whakakī anō i te kōhao. Ko te koranu konuoi, ko te pia kiriaku ngā mea matua e whakamahia ana hei whakakī kōhao niho.
  • Ko te kakati. Koia ko te āhua o te noho tahi o ngā niho o te kauae runga me ērā o te kauae raro ina kati ana te waha. Ki te kore e pai te kakati, tērā pea ka whakamaua e te mātanga niho he hanga whakatika niho. I te takanga o tētahi wā, pērā i te toru tau, ka tika haere te kakati, nāwai ā, ka tangohia atu taua hanga rā.
  • Ko te kitokito. He ranunga o te maramara kai, o te hāware me te huakita, ka piri atu ki muri o ngā niho. Ki te kore e putuputu, ki te kore e tika te taitai ka totoka haere, nāwai ā, ka huri hei tātā, ā, ka riro mā te rata niho e waruwaru, ka kīia ko te waruwaru tātā.
  • Ko te miro niho. He miro rauangi torokaha ka pānukunukuhia ki waenganui i ngā niho hei tīkaro atu i ngā toenga maramara kai e noho ana ki reira. Ko te miro niho me te taitai niho ngā mahi matua e ora pai ai ngā niho o te tangata. Ka kīia tērā mahi ko te akuaku niho.

Tauira KŌrero

He pēhea nei te hauora niho o ngā tamariki o tērā kāinga?

Ina eke te hauora niho o te tangata, ka pai anō tana hauora whānui, tae atu ki tana rongo i te kakato o te kai.

Kua roa e heke ana te hauora niho o aua tamariki rā, nā runga i te nui o te utu ki te haere ki te rata niho.

WhakamĀrama Āpitihanga