WhakamĀrama Āpitihanga
Ko ētahi pūmate i tātahi:
- Ko te kauere. He au whāiti ka rere atu i tātahi ki tai. Ki te kore e mataara te kaikauhoe ka kumea whakatemoana atu ia. Ki tā te karu kite, he wāhi whāiti marino ki waenga i ngā whatinga ngaru i ngā taha. Mēnā e tiakina ana a tātahi e te rōpū kauhauora, ka tohua e rātou ngā wāhi e haumaru ana ki te haki, ā, ka ākina te iwi kia kauhoe ki waenganui i ngā haki.
- Ko te miti. Ko te au whakatemoana o te wai ka hua ake i muri i te whatinga ngaru ki te takutai.
He pūmate anō i te awa, pērā i tōna au. I ētahi wāhi pērā i te kōripo, he tō whakararo pea te au, i wāhi kē he tō whakatemoana. Kāore e tino hōhonu te wai i ētahi wāhi i te awa, nō reira he pūmate tērā mō te tūpou ki roto i te awa mai i ngā tahataha.
Koia nei ētahi tohu pūmate wai:
Ko ētahi hanga haumaru wai, ka kīia he taumatua pūrewa:
Ko te waka ama, ko te ekengaru, ko te hoehoko, ko te hoetūpapa ētahi o ngā hākina wai e whāia nuitia ana i Aotearoa. Koia nei ētahi kupu e hāngai ana ki te haumaru i ēnei hākinakina:
- Ko te kauora. Ka rewarewa tīraha ko ngā ringa ki ngā taha hoehoe ai.
- Ko te ngoikoretanga whaiaro. Ka tino whakahaua te tangata kia āta whakautea te mana o te wai, me te aro anō ki ōna ake ngoikoretanga, koia hei whakatūpato i a ia.
- Ko te mōhiotanga haukāinga. He momo whakatūpato tēnei i te tauhou ki tētahi wāhi, arā, me kōrero ki tētahi o te haukāinga kia mōhio pū ia ki ngā tūmomo pūmate i mua i te kuhu poka noa ki roto i te wai.