Arā hoki ngā momo haumanu hinengaro e ora ai te tangata i ngā mate pērā i te kōtonga, i te auhi, me te kiritau ngoikore. Ko te kōrero te tino o roto i te nuinga o ēnei haumanutanga, arā, ka whakaputa kōrero te tangata mō ngā take e whakararu ana i a ia, mā reira e māmā ai te taumahatanga. Koia ko te tohuora, ā, ko te pūkenga whakarongo ka kīia he kaitohuora, māna e āta tō mai ngā kōrero i te tangata, māna anō e whakatakoto ētahi whakaaro, e puta ai te tangata ki te ora.
Ko te haumanu ā-kakara tētahi rongoā torowhārahi. Mā te hongi i ngā kakara ka puta i ngā momo hinu tipu pērā i te hinu mānuka, mā te pani rānei i te tinana ki ēnei hinu, e ora ai, e mauru ai rānei ngā mate. Ka whakamahia te haumanu ā-kakara kia pai ake ai te moe, hei whakamāmā i te mamae whakawhānau, hei whakaora i te māhunga ānini me ētahi atu mate.
Takenga Mai
haumanu - to revive, restore to health
Tauira KŌrero
Nāna i rangahau tētahi haumanu mō te mate warawara e takea mai ana i te kaupapa Māori.