WhakamĀrama Āpitihanga
Koia nei ētahi o ngā wāhanga o roto pea i tētahi hākari:
- Ko te whakapūwharu. He kamenga paku hei whakawaiwai i te korokoro.
- Ko te ōmua. He kamenga paku anō i mua i te ōmatua, he rerekē te momo i tō te ōmatua. Mēnā he mīti te ōmatua, he mātaitai pea, he huamata rānei te ōmua.
- Ko te ōmatua. Koirā te wāhanga nui o te hākari.
- Ko te pūrini. I te nuinga o te wā, he kai reka, pērā i te huarākau, i te aihikirīmi, i te keketīhi rānei.
I ētahi kāinga, i ētahi o ō tātou marae, ka whāia ēnei wāhanga o te hākari e whāia nuitia ana puta noa i te ao rātō. He wā anō ka horaina ngā kai katoa ki te tēpu hei kōwhiri, hei tiki atu mā te tangata. Ka kīia tērā ko te horanga kai.
I roto i ngā wharekai tūmatanui, ka tuhia ngā wāhanga me ngā kamenga ki te rārangi kai hei kōwhiri mā te tangata. Hei tauira o te rārangi kai:
