Tikanga ā-Iwi

arumoni ~tanga

commercial, commercialisation

tūāhua, tūingoa

WHAKAMĀRAMA

Hei whakaahua i ngā mahi tauhokohoko, ko te whāinga matua kia puta he monihua.

To describe the activities of trade, where the main goal is to make a profit.

Tauira KŌrero

I whakatūria e te rūnanga ētahi whakahaere arumoni, e puta ai he hua ā-pūtea i tā rātou whakataunga tiriti.

Ahakoa he pakihi arumoni, ko ngā monihua katoa ka whakahokia ki te hapori.

Huri ki hea, huri ki hea, kei reira ngā whakatairanga arumoni e whakawhere ana i a tātou ki te hoko i tētahi mea.

WhakamĀrama Āpitihanga

Ina whakaarumoningia tētahi mahi, tētahi kaupapa, tētahi whakahaere rānei, koia ko te huringa o taua mahi, o taua kaupapa, o taua whakahaere rānei ki te whai i te whakaputanga o te monihua. Nō te tau 1995 i whakaarumoningia ai te whutupōro i Aotearoa, ka tīmata te utu i ngā kaitākaro me te whaiwhai moni a te Uniana Whutupōro hei utu i a rātou.

Ko te tāhoko ahurea tētahi āhuatanga ka kitea i ngā porihanga angahaorawa huri i te ao. I konei ka whakatairangatia tētahi āhuatanga o te ahurea hei mahi moni mā tētahi. Hei tauira o te tāhoko ahurea:

Ko te hokotanga atu o ngā taonga Māori ki te hunga tāpoi, pērā i te heitiki me te whakakai.
Ko te hokotanga atu o te hēki tiakareti i te wā o te Aranga.

Takenga Mai

aru - to pursue, follow

moni (kupu mino) - money

Tauira KŌrero

I whakatūria e te rūnanga ētahi whakahaere arumoni, e puta ai he hua ā-pūtea i tā rātou whakataunga tiriti.

Ahakoa he pakihi arumoni, ko ngā monihua katoa ka whakahokia ki te hapori.

Huri ki hea, huri ki hea, kei reira ngā whakatairanga arumoni e whakawhere ana i a tātou ki te hoko i tētahi mea.