WhakamĀrama Āpitihanga
E tutuki ai tētahi arotakenga para, ka kohia he tīpakonga para o te whakahaere (pēnā he kura, he kōhanga reo, he pakihi, he aha atu rānei), ā, ka tirotirohia taua tīpakonga:
- Ka wehewehea ki ōna momo para, pērā i te kirihou, i te maitai, i te karāhe, i te pepa/kārimārō, i te para kai.
- Ka inea te rahi o tēnā momo, o tēnā momo.
- Ka tuhia te rerenga o aua para, mēnā e hangaruatia ana, e porowhiua ana ki te ruapara, e tukuna ana ki te pū wairākau, e ahatia ana rānei.
- Ka wānangahia ngā mahi tuku para a te whakahaere, mēnā rānei e tukuna ana ngā momo para ki ngā wāhi e tika ana, ki ngā wāhi e tino whaihua ana.
- Ka huritaongia ngā hua o te arotakenga para, ā, i reira pea ka puta he tūtohunga hei whakaiti i te para, hei whakapai ake rānei i ngā rerenga para a te whakahaere.
Mēnā ka whakahaerehia he arotakenga para i ia tau ka huritaongia hoki mēnā he pai ake ngā mahi para a te whakahaere i āna mahi para i ngā tau o mua.
He mea nui kia āta whāia he tikanga haumaru i te wā e mahia ana te arotakenga para, pērā i te mau komoringa me te mau hū.
Hei tauira o te arotakenga para: