He kaupapa ka whāia e ētahi whenua, e ētahi rōpū kia tū wehe kē rātou, me te kore e mahi tahi, e aro rānei ki whenua kē, ki rōpū kē.
An agenda pursued by some countries or groups to be independent, and not work together with, or have regard for, other countries or groups.
Tauira KŌrero
Nā te arotahitanga o taua whenua rā i pupū ake ai te riri o ngā whenua tata.
Ki a au nei, kāore e pai ana te arotahitanga o ētahi whenua whairawa, inā te kore e aro ki te oranga me te ōhanga o whenua kē.
Ki ētahi iwi maha o te ao, he pai ake te arorautanga i te arotahitanga, e rongoātia ai ngā raruraru o te āhuarangi hurihuri.
WhakamĀrama Āpitihanga
Ko te arorautanga te tauaro o te arotahitanga, arā, ko te mahi tahi a ētahi whenua, a ētahi rōpū ki te kōkiri, ki te whakatinana i tētahi kaupapa. Ko Te Whakaaetanga Āhuarangi o Parī 2016 tētahi tauira o te arorautanga, inā te mahi tahi a ngā whenua maha ki te whakamauru i ngā kino o te āhuarangi hurihuri.
I te tau 2017 ka puta atu a Amerika i taua whakaaetanga, ka huri tuara rātou ki taua kaupapa rā, nā runga i te whakatau a tō rātou perehitene o taua wā, a Donald Trump. Hei tauira tērā o te arotahitanga.
Mēnā e rua ngā whenua, ngā rōpū rānei e mahi tahi ana, ka kīia tērā ko te aroruatanga. Mēnā e toru ngā whenua e kōkiri tahi ana i tētahi kaupapa, ka kīia ko te arotorutanga.
Takenga Mai
aro - to consider, have regard to
tahi - one
Tauira KŌrero
Nā te arotahitanga o taua whenua rā i pupū ake ai te riri o ngā whenua tata.
Ki a au nei, kāore e pai ana te arotahitanga o ētahi whenua whairawa, inā te kore e aro ki te oranga me te ōhanga o whenua kē.
Ki ētahi iwi maha o te ao, he pai ake te arorautanga i te arotahitanga, e rongoātia ai ngā raruraru o te āhuarangi hurihuri.