tūoho

WhakamĀrama Āpitihanga

Ko te tūoho whaiaro, koirā tā te tangata rongo, tana mātau ki a ia anō, ki tōna haukiri, ki ōna uara, ki te āhua o tana kōrero, o tana pāhekoheko ki tangata kē, me āna whanonga.

He momo tūtohetohe te whakapiki tūoho, ka āta whāia e tētahi rangatohe, e mārama ake ai te marea ki ngā take a te rangatohe, pērā i te mana wahine, i te mana kirimangu me te kaikiri.

E mātau ana te tangata tūoho ahurea ki ngā rerekētanga o tōna ake ahurea me ahurea kē atu, pērā i ngā uara, i ngā whakapono, i ngā whanonga o roto i taua ahurea e rerekē ana i tōna.

Mēnā e tūoho tōrangapū ana te tangata, e mārama ana ia ki ngā nekeneke o roto i te ao tōrangapū, waihoki he pūkenga ōna ki te tātari, ki te wetewete i ngā kaupapa tōrangapū o te wā.

E mātau ana te tangata tūoho pāpori ki ngā ritenga pāpori, ki ngā whanonga, ki te momo reo e hāngai ana ki ngā horopaki pāpori rerekē.

Ko te tangata tūoho haumaru e mārama ana ki ngā āhuatanga e haumaru ai ia me tōna whānau i ngā horopaki rerekē, pērā i te piki arawhata, i te whātoro atu ki te ao o te ipurangi, i te taraiwa motukā, me te hāereere i te tāone i ngā pō.