WhakamĀrama Āpitihanga
Koia nei ētahi whakamahinga o te kupu aratau i te ao matihiko:
- Ko te aratau hototahi. Mā konei e taea tonutia tētahi kōnae i hangaia i te pūmanawa tawhito te tukatuka i roto i te pūmanawa whakamohoa.
- Ko te aratau wakarererangi. Ko tā tēnei kōwhiringa, he mono i ngā whakawhitinga waeakore kia kore ai e whakararu i ngā pūnaha whakawhiti kōrero o te wakarererangi.
- Ko te aratau takatā me te arotau tiro. I te aratau takatā, ka taea tētahi tuhinga te panoni, te tāpiri kupu, te tango kupu me ērā atu momo rāwekeweke. I te aratau tiro, ka kitea noa iho te tuhinga, kāore e taea te rāwekeweke.
- Ko te aratau mata whārahi. I konei ka kapi katoa te mata ki te tuhinga, ki te ataata, ki te aha kē atu rānei e tirohia ana. Koia nei te ata e tohu ana i te aratau mata whārahi mō tēnei ataata:
- Ko te aratau moe. Arā, e kā tonu ana te rorohiko engari e moe ana, e tūtatari ana kia whakaohongia anō. He iti noa iho te whakapau hiko a te rorohiko i te aratau moe.