Mātauranga Whānui

ako taumano

lifelong education, continuing education, lifelong learning

tūingoa

WHAKAMĀRAMA

Ko te ako tonu a te tangata i roto i āna hīkoi katoa, i runga i tōna anō hiahia kia mātau ake, kia haratau ake rānei. Ka kīia ia he ākonga taumano.

A person's continuation of their learning in all of their endeavours, on account of their own desire to become more knowledgeable or more adept at something. They are called a lifelong learner.

Tauira KŌrero

Ko te ako taumano tētahi pūkenga matua i whakaūngia ki roto i a ia, mai i te wā e tamariki ana.

Mā te ako taumano e aro pai ai te tangata ki ngā āhuatanga hou o te wā, pērā i te mātau matihiko.

Ko te hihiko rāroto o te tangata te mea nui i tana ako taumano.

WhakamĀrama Āpitihanga

Ko te whakapiki pūkenga tētahi wāhanga o roto i te ako taumano. Koia ko te ako i ētahi pūkenga hou, i ētahi mātauranga hou, e hāngai ana ki te tūranga mahi o te tangata, ki tētahi mahi runaruna āna rānei. Ko aua pūkenga hou he whakapikinga o ōna pūkenga o mua ki tētahi taumata atu anō.

Arā hoki te ako pūkenga hou. Koia tā te tangata whai i ētahi pūkenga e hāngai ana ki tētahi tūmahi e tauhou ana ki a ia. Hei tauira, ko te ako a te kaiwhakatika pūkaha koranehe i ngā pūkenga e hāngai ana ki te whakatika pūkaha hiko, nā te mea koirā te anamata o te motukā.

E tutuki ai te ako taumano, me tuwhera tonu te kūaha kia whai wāhi atu te ākonga pāhake ki ngā momo akoranga e hiahiatia ana. Ka kīia hoki tērā ko te ako pāhake.

Tauira KŌrero

Ko te ako taumano tētahi pūkenga matua i whakaūngia ki roto i a ia, mai i te wā e tamariki ana.

Mā te ako taumano e aro pai ai te tangata ki ngā āhuatanga hou o te wā, pērā i te mātau matihiko.

Ko te hihiko rāroto o te tangata te mea nui i tana ako taumano.