Ko tā te tangata ako i tētahi reo kē atu i tōna reo ūkaipō, mātua rā mā tētahi akoranga reo i tētahi whareako, i te hapori rānei.
A person's learning of a language other than their mother tongue, usually through a language course in an educational institution or in the community.
Tauira KŌrero
Kua tino whanake te mātauranga e hāngai ana ki te ako reo rua i Aotearoa i ngā tau tata kua pahure nei.
Ko tāna i tohe ai, karekau he take o te haora noa iho i ia wiki hei ako reo rua.
Ko te ako reo rua tētahi aronga matua o tēnei kura.
WhakamĀrama Āpitihanga
Ki ētahi, he rerekē te ako reo rua me te hopu reo rua. He mea āta whakariterite te ako reo rua, inā ka haere te ākonga ki te whareako, ki reira whakaakona ai e tētahi pouako. I te hopu reo rua, mā te noho o te ākonga ki te taiao kōrero o te reo, ka hopukina e ia taua reo, kāore e āta whakaritea, waihoki ko ngā kaikōrero katoa o te reo hei puna whāngai i a ia.
He maha ngā akorangareo Ingarihi hei reo tuarua i ngā hapori me ngā kura huhua o Aotearoa, ka whakatūria mō te hunga ka taetae mai i tāwāhi me te kore, te iti noa iho rānei o te reo Ingarihi. Ko te aronga matua o ēnei hōtaka ako, kia mātau ki te reo Ingarihi ka whakamahia i ngā horopaki o ia rā i Aotearoa, pēnei i te hoko kai, i te hāereere me te tākaro.
Tauira KŌrero
Kua tino whanake te mātauranga e hāngai ana ki te ako reo rua i Aotearoa i ngā tau tata kua pahure nei.
Ko tāna i tohe ai, karekau he take o te haora noa iho i ia wiki hei ako reo rua.
Ko te ako reo rua tētahi aronga matua o tēnei kura.