Tikanga ā-Iwi

ahurea parahako

cancel culture

tūingoa

WHAKAMĀRAMA

He āhuatanga kua whakaingoatia i ngā tau tata nei, inā te huri tuarā ki tētahi, te peia o te tangata ki waho atu o tētahi rōpū pāpori nā runga i tana tirohanga ki tētahi take, me te rerekē o āna kōrero i ā te nuinga.

A phenomenon which has been assigned a name in recent years whereby someone is shunned or rejected and pushed out of a social group because their point of view and expressed opinions are different from those of the majority.

Tauira KŌrero

Ko te pāhopori te kawenga matua o te ahurea parahako i ēnei rā.

E taupatupatu ana te ahurea parahako me tēnei mea te manawhiri kōrero.

Ko tāna, he whakaaro kūiti te hunga e whai ana i te ahurea parahako, he kiripiro ki ngā whakaaro rerekē, he kaupare i te matapaki māhorahora me te whakaaro tuwhera.

WhakamĀrama Āpitihanga

Ko tā te tangata ohotoihara, he whakapuaki whakaaro ki ngā tautika-kore o te porihanga ka kitea, ka rangona e ia, pērā i te kaikiri me te whakatoihara ā-ira. I ētahi wā, nā ērā whakapuakinga whakaaro ōna, ka whakahāweatia ia e te hunga whai i te ahurea parahako, ānō nei kāore he take o ērā whakaaro. Hei tauira, mēnā ka whakaputaina e tētahi he kōrero whakahē i te hunga pāpāho e whakahua hē ana i ngā kupu Māori, ka tātāngia ia e te hunga ngākau kawa ki te reo. Ka kīia ia e rātou hei pirihimana ohotoihara noa iho, ā, kei te kaiwhakapāho tonu te mana ki te whakahua hē i te reo.

Takenga Mai

parahako - to reject, spurn, ostracise

Tauira KŌrero

Ko te pāhopori te kawenga matua o te ahurea parahako i ēnei rā.

E taupatupatu ana te ahurea parahako me tēnei mea te manawhiri kōrero.

Ko tāna, he whakaaro kūiti te hunga e whai ana i te ahurea parahako, he kiripiro ki ngā whakaaro rerekē, he kaupare i te matapaki māhorahora me te whakaaro tuwhera.