!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia, Hangarau, Tikanga ā-Iwi
 
X
Tikanga ā-Iwi

ahumoni

finance, financial, monetary

tūingoa, tūāhua

WHAKAMĀRAMA

Ko ngā āhuatanga katoa e hāngai ana ki te whiwhinga me te whakapaunga moni, te tono moni taurewa, me te whakahaere moni.

All aspects relating to earning and spending, obtaining credit and managing money.

Tauira KŌrero

Me āta whakatakoto he mahere ahumoni e puta ai he hua ki tō tātou whānau.

Tīmata ai te tau ahumoni o Aotearoa i te 1 o Paengawhāwhā, mutu ai i te 31 o Poutūterangi.

Tērā pea ko te ahumoni te kaupapa ka whāia e ia ā tōna wā, inā tana pai ki te penapena i āna moni.

WhakamĀrama Āpitihanga

Ko te mātau ahumoni tētahi peka mātauranga e tino whakatairangatia ana hei hāpai mā te kura. Arā, kia mātau te marea ki ngā āhuatanga ahumoni ka pā ki a rātou, pērā i te penapena moni mō te kaumātuatanga, te tono mōkete hei hoko whare, te haumitanga moni, me te moni taurewa.

Ko tā te pēke matua o tō tātou whenua, he rangahau, he waihanga, he whakatau i ngā kaupapahere ahumoni e ora ai, e toitū ai te ōhanga o Aotearoa, e tūwhena ai te whiwhi mahi me te pikinga utu tukipū.

Ko tā te kāwanatanga, he waihanga, he whakatau i ngā kaupapahere moni tūmatanui e hāngai ana ki te kohi me te whakapau i ngā moni tāke, mā reira e pai ai te ōhanga o tō tātou whenua.

Takenga Mai

ahu - tend, foster, oriented towards

moni (kupu mino) - money

Tauira KŌrero

Me āta whakatakoto he mahere ahumoni e puta ai he hua ki tō tātou whānau.

Tīmata ai te tau ahumoni o Aotearoa i te 1 o Paengawhāwhā, mutu ai i te 31 o Poutūterangi.

Tērā pea ko te ahumoni te kaupapa ka whāia e ia ā tōna wā, inā tana pai ki te penapena i āna moni.

WhakamĀrama Āpitihanga