Ko ngā mea hei āta whakaaroaro i roto i te tukanga hoahoa i tētahi otinga hangarau. Ka pā ki ōna āheinga, ki ōna āhuatanga ōkiko, me ōna āhuatanga rerehua. Hei tauira, ko te tae, ko te kakano, ko te hangore, ko te pūmau o te taonga e whakawhanakehia ana.
Aspects that need to be considered in the process of designing a technological outcome, relating to its functional, physical and aesthetic attributes. For example the colour, the texture, the flexibility and the durability of the product that is being developed.
Me āta rārangi mai ngā āhuatanga hoahoa hei āta whakaaroaro, hei āta wānanga māu i tēnei mahi hangarau.
Ko te tae o ngā momo kai me te kakara ētahi āhuatanga hoahoa ka tirohia e ngā kaiwhakawā i tēnei whakataetae tunu kai.
Me whakahāngai ngā āhuatanga hoahoa ki te hunga tamariki, inā ko rātou ngā tino kaiwhakamahi i te taonga e hanga nei koe.