!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia
 
X
Te Reo Pūtaiao

whakatō ~kia ~nga

fertilise, fertilisation

tūingoa, tūmahi whiti

WHAKAMĀRAMA

Te hononga tahitanga o te pūtau hema-toa (te tātea) me te pūtau hema-uwha (te kākano), e puta ai he uri.

The fusion of the male and female gametes (sperm and egg) in order to produce offspring.

Tauira KŌrero

He aha te wāhi ki te pūtau hua i roto i te tukanga whakatō?

Whakamāramatia mai te whakatōnga o tētahi tipu.

Mā te whakatōnga ka puta te pūtau hua, ā, koirā te tīmatanga o te tipu hou.

WhakamĀrama Āpitihanga

I roto i ngā tipu whaipua ka hangaia he pūtau hou, ka kīia ko te pūtau hua, koia e kawe ana i ngā ira o ngā pūtau o ōna mātua e rua. Ka tupu te pūtau hua i roto i te wharekano hei kikiri, ka whanake hei wāhanga o tētahi kākano, ko te wharekano hei hua, hei pākākano rānei hei tiaki i te kākano:

 

I roto i te whakaputa uri a te tangata, ka tuha te ure o te tāne, ka uru atu ngā tātea e hia miriona nei ki te tara o te wahine, ā, ka kauhoe atu ki roto i ngā pūkākano. Me he kākano kei reira, ka tutuki pea te whakatōnga ina tūpono tētahi tātea ki te kuhu atu ki roto i te kākano, hono tahi ai. I konei ka wehewehe ngā pūtau o te kākano, ka tupu mai hei kikiri. Ka heke atu te kikiri ki te kōpū, ā, ka noho atu ki roto i te toto me ngā pūtau i te paetara o te kōpū. Ka kīia ko te kuhinga tērā o te kikiri, ā, kua hapū te wahine. Kei te takiwā o te 266 rangi te roa o te hapūtanga:

 

Mēnā e kati ana ngā pūkākano o te wahine, mā te whakatōnga mōwaho ia e hapū ai. Arā, ka tangohia e te rata he kākano i tōna wharekano, me te tātea i te tāne. Ka hono tahitia i rō taiwhanga pūtaiao kia puta ai he kikiri, kātahi ka whakahokia ki roto i te kōpū o te wahine, ki reira kukune ai.

Takenga Mai

whakatō - cause to conceive, plant, insert

Tauira KŌrero

He aha te wāhi ki te pūtau hua i roto i te tukanga whakatō?

Whakamāramatia mai te whakatōnga o tētahi tipu.

Mā te whakatōnga ka puta te pūtau hua, ā, koirā te tīmatanga o te tipu hou.

WhakamĀrama Āpitihanga