!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Puoro, Te Reo Pāngarau, Ngā Mahi a te Rēhia
 
X
Ngā Mahi a te Rēhia

whakataetae kapa haka

kapa haka competition

tūingoa

WHAKAMĀRAMA

Ko te tūtū mai a ētahi rōpū haka ki te atamira o rēhia, me te whakawā anō i ā rātou mahi, kia puta ai he kapa whakaihuwaka.

The performing of haka groups and the judging of their performances in order to determine a winner.

Tauira KŌrero

Ka tū te whakataetae kapa haka o ngā kura tuarua o te motu hei te wiki e tū mai nei.

Ka uru te rōpū o Manu mā ki te whakataetae kapa haka, he kapa whakangahau rānei tana rōpū?

Ki tō titiro, ko wai mā ngā rōpū ka uru ki ngā whiringa whāiti o te whakataetae kapa haka?

WhakamĀrama Āpitihanga

E rima ngā momo tū waewae i te nuinga o ngā tātāwhāinga kapa haka:

whakaeke
He waiata, he haka, he mau rākau, he nekeneke ā-kapa kia puta ai te kapa ki runga i te atamira.

waiata ā-ringa
Ko te haere tahi o te waiata me te rere anō o ngā ringa, te whāitaita o te kanohi hei kawe i te tikanga o ngā kupu.

poi
Ko te haere tahi o te waiata me te rere, te tāpatupatu hoki o te poi.

mōteatea
He waiata koroua, he maha ngā momo, pērā i te waiata tangi, te pātere me te oriori.

haka
Ko te tū a Tānerore, he whakaputa i te riri, i te ngoto rānei o ngā whakaaro ki tētahi kaupapa. He maha ngā momo haka. Ka haere tahi ko ngā kupu, te takahi o te waewae, te hūpeke i ētahi momo, te mau rākau i ētahi, te pūkana o ngā whatu, te whātero me te whiu o ngā ringa - ko ēnei nekeneke katoa hei kawe i te tikanga o ngā kupu o te haka.

whakawātea
He waiata, he haka, he mau rākau, he nekeneke ā-kapa kia heke ai te kapa i te atamira. I ētahi whakataetae, ko te waiata whakamutunga kē te ingoa, inā kāore te kapa e herea ana ki te heke i te atamira i te mutunga o āna mahi.

 

Ko te waiata tira tētahi anō momo i ētahi tātāwhāinga.

I ēnei momo tū waewae katoa, ko te āhua o te reo tētahi āhuatanga matua ka āta tirohia e ngā kaiwhakawā - te tika me te wana o te reo, te Māori o te whakatakoto i te kupu, me te mārama hoki o te whakahua.

Mēnā ka hapa te kapa, ka tangohia he māka e ngā kaiwhakawā, ā, ka kīia tērā he hapa tautuku. Hei tauira:

  • ko te whakaroa ki tua atu i te wā i whakaritea mō ia kapa
  • ko ngā momo hapa whakahua i te reo
  • ko te kūreureu pea o te kapa.

KUPU KĒ ATU

tātāwhāinga kapa haka

Tauira KŌrero

Ka tū te whakataetae kapa haka o ngā kura tuarua o te motu hei te wiki e tū mai nei.

Ka uru te rōpū o Manu mā ki te whakataetae kapa haka, he kapa whakangahau rānei tana rōpū?

Ki tō titiro, ko wai mā ngā rōpū ka uru ki ngā whiringa whāiti o te whakataetae kapa haka?

WhakamĀrama Āpitihanga