!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia
 
X
Te Reo Matatini

whakahihiko ~tia

motivate, stimulate, inspire

tūmahi whiti

WHAKAMĀRAMA

Ko te tahu ahi ki roto i te puku o te tangata e hiahia ai ia ki te whai i tētahi kaupapa, ki te mahi rānei i tētahi mahi.

To provide incentive or give the desire to someone to persue a particular project or undertake an activity.

Tauira KŌrero

Nā te pouako i tiki atu ngā kōrero o nehe hei whakahihiko i ana ākonga i tā rātou mahi toi.

Ko te oranga tonutanga o te reo Māori te mea e tino whakahihiko ana i a ia.

Me pēhea te whakahihiko i ngā tamariki kia auaha tonu te waihanga i tā rātou titonga kanikani?

WhakamĀrama Āpitihanga

He maha ngā puna whakahihiko i te ākonga. Kei roto tonu i a ia ētahi, pērā i te whakaea i tētahi wawata ōna (hei tauira: ki te haere i tētahi haerenga; kia whai pūkenga ia ki tētahi mahi pērā i te whakatangi kitā; kia uru ia ki te kapa haka). Ka kīia tēnei momo ko te hihiko rāroto.

Ko te whakanui a tōna whānau, a tōna pouako rānei, tētahi atu mea hei whakahihiko i a ia. He tauira tēnei o te hihiko rāwaho, arā, ki tua o te tangata tonu te takenga mai o te whakahihiko. 

Ko te āhua o te mahi whakaako tētahi āhuatanga nui e hihiko ai te ākonga ki āna mahi, e hihiko-kore ai rānei. Mēnā e mahi ana te ākonga i ōna tairongo katoa, ā, e rāwekeweke ana ia i te taputapu, kātahi pea ka hihiko. Mēnā e wana ana te pukapuka e pānui ana ia - tōna tāhū, tōna kaupapa, te hā o te tuhituhi, te takoto o ngā whārangi, kātahi pea ka hihiko. Mēnā he wana-kore te pukapuka, he takeo, kāore te ākonga e hihiko ki te pānui.

KUPU KĒ ATU

whakaohooho

whakakipakipa

Tauira KŌrero

Nā te pouako i tiki atu ngā kōrero o nehe hei whakahihiko i ana ākonga i tā rātou mahi toi.

Ko te oranga tonutanga o te reo Māori te mea e tino whakahihiko ana i a ia.

Me pēhea te whakahihiko i ngā tamariki kia auaha tonu te waihanga i tā rātou titonga kanikani?

WhakamĀrama Āpitihanga