Pāngarau

whakaaro pānga riterite

proportional reasoning

tūingoa, tūmahi poro

WHAKAMĀRAMA

Ko te momo whakaaro ka hua ake i te pānga tāpiripiri, i te pānga whakarea rānei kei waenganui i ētahi rahinga e rua, ētahi taurangi e rua rānei.

The type of thinking that arises from seeing an additive or multiplicative relationship between two quantities or variables.

Tauira KŌrero

Kei te whakaaro pānga riterite a Hinewai, kāore anō rānei?

Whakamāramatia mai ō whakaaro pānga riterite.

Ko te whakaaro pānga riterite hei tūāpapa mō te mahi taurangi.

WhakamĀrama Āpitihanga

He rapanga tēnei hei whakatauira i te whakaaro pānga riterite:

E rua ngā putiputi e tipu ana. Ka inea te teitei o ēnei putiputi:

putiputi 1	40cm
putiputi 2	20cm

I te paunga o te rua wiki, ka inea anō ngā putiputi nei:

	inenga 1	inenga 2
putiputi 1	40cm	60cm
putiputi 2	20cm	40cm

Ko tēhea te putiputi he rahi rawa te tipu i roto i ēnei rua wiki?

E rua ngā whakautu e hāngai ana ki tēnei rapanga. Ko tētahi e whai ana i te whakaaro tāpiripiri, ko tētahi e whai ana i te whakaaro whakarea. E rua e rua, he whakaaro pānga riterite:

Whakaaro tāpiripiri: He ōrite te tipu o ia putiputi. E 20cm te tāpiritanga ake.
putiputi 1: 40cm + 20cm = 60cm
putiputi 2: 20cm + 20cm = 40cm

Whakaaro whakarea: He rahi ake te tipu o te putiputi 2 i te putiputi 1. E rua whakareatanga te rahi o te tipu o te putiputi 2. Kotahi me te haurua whakareatanga te rahi o te tipu o te putiputi 1.
putiputi 1: 40cm × 1¹/₂ = 60cm
putiputi 2: 20cm × 2 = 40cm

Takenga Mai

whakaaro - think

pānga - relationship

riterite - alike, corresponding

Tauira KŌrero

Kei te whakaaro pānga riterite a Hinewai, kāore anō rānei?

Whakamāramatia mai ō whakaaro pānga riterite.

Ko te whakaaro pānga riterite hei tūāpapa mō te mahi taurangi.