!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Puoro, Te Reo Pāngarau, Ngā Mahi a te Rēhia
 
X
Ngā Mahi a te Rēhia

whakaari ~hia

act, drama, play

tūingoa, tūmahi whiti

WHAKAMĀRAMA

He momo mahi a te rēhia, inā he pūrākau, he pakiwaitara, ka whakatinanahia, ka whakaaturia e t/ētahi kaiwhakatau hei mātakitaki mā te marea. I ētahi wā, ka whakatūria ki te atamira, ka kīia tērā he whakaari mataora, ka whakaaturia rānei hei kiriata, ka pāhotia ki te reo irirangi, ki te pouaka whakaata rānei.

One of the categories within ngā mahi a te rēhia. A legend or story is presented by a performer or group of performers to an audience. It may be presented on stage as a live perfomance, or as a film, or broadcast on radio or television.

Tauira KŌrero

Ko Taika Waititi tētahi o ngā pūkenga rongonui o te ao Māori, otirā o te ao whānui mō te whakaputa whakaari ki te kiriata.

Kei a ia mō te whakaari i te hīkoi a te pūkeko.

He aha ngā kōrero mō te kiripuaki matua me ana pūkenga whakaari?

WhakamĀrama Āpitihanga

Ka whai wāhi atu te puoro me te kanikani ki ētahi momo whakaari, ka kīia he whakaari puoro.

Mēnā karekau he reo kōrero a ngā kiripuaki, ka kīia tērā he whakaari ngū. Ko ngā whāitaita o te kanohi me ngā nekeneke o te tinana hei whakaari i te kaupapa.

Arā ētahi atu momo whakaari, koia nei ētahi:

  • Ko te whakaari manga-tahi, arā kotahi anake te wāhanga o te whakaari mai i te tīmatanga ki te mutunga. He poto te nuinga o tēnei momo. Ahakoa kotahi te manga, he nui ake pea i te tahi ngā kāpeka, arā te huringa o te āhua o te atamira (hei tauira, mā te whakarerekē i ngā taputapu, mā te huri rānei i ngā whakaariari).
  • Ko te whakaari pakipūmeka. Ka pūtakea mai tēnei momo i tētahi takunetanga pono. Ka pūmau tonu te ngako o te takunetanga pono me te tāpiri anō i ētahi whakanikoniko i tua atu i ngā āhuatanga pono, pērā i te whakawhitinga kōrero a ngā kiripuaki. I ētahi whakaari pakipūmeka he kaha te piri ki te takunetanga pono, i ētahi atu he āhua ngoikore te hononga.
  • Ko te whakaari mariko, arā, ka whai wāhi mai ngā āhuatanga o te wāhi ngaro ki te whakaari, pērā i te kēhua me te patupaiarehe.
  • Ko te whakaari pehapeha. I tēnei momo, ka whakamarohitia te āhua o ngā kiripuaki, ngā wairua me ngā kare ā-roto. Ko te puoro tētahi tikanga hei whakamarohi i ēnei āhuatanga o te whakaari pehapeha.

KUPU KĒ ATU

whakatautau

whakaataata

Tauira KŌrero

Ko Taika Waititi tētahi o ngā pūkenga rongonui o te ao Māori, otirā o te ao whānui mō te whakaputa whakaari ki te kiriata.

Kei a ia mō te whakaari i te hīkoi a te pūkeko.

He aha ngā kōrero mō te kiripuaki matua me ana pūkenga whakaari?

WhakamĀrama Āpitihanga