!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Puoro, Te Reo Pāngarau, Ngā Mahi a te Rēhia
 
X
Te Reo Pāngarau

wāwāhi tau

decomposition, partition (number)

tūingoa

WHAKAMĀRAMA

Ko te wehewehe i tētahi tau ki ētahi wāhanga iti. Hei tauira, e taea ana te 37 te wāwāhi ki te 30 me te 7. Ka kīia tērā momo ko te wāwāhi uara tū. Ko te tikanga wāwāhi tau tētahi rautaki matua hei whakaoti paheko.

A number is divided up into smaller parts. For example, 37 can be decomposed or partitioned into 30 and 7. This is called place value partitioning. Decomposition (partitioning) of numbers is an important operational strategy.

Tauira KŌrero

E taea ana te 37 te wāwāhi ki ētahi tau māmā ake. 

Wāwāhia te 629 ki ōna rau, ki ōna tekau me ōna tahi. 

Ko tētahi wāwāhitanga o te 17, ko te 8 + 8 + 1.

WhakamĀrama Āpitihanga

Koia nei ngā wāwāhinga katoa e taea ana mō te rima. Arā, ngā rōpū tau o roto i te rima:

1 + 1 + 1 + 1 + 1 = 5
1 + 1 + 1 + 2 = 5
1 + 1 + 3 = 5
1 + 2 + 2 = 5
1 + 4 = 5
2 + 3 = 5

 

Ko te wāwāhi tau tētahi rautaki whakaoti tāpiritanga. Ina wāwāhia ngā tau o roto i tētahi tāpiritanga, he māmā ake te whakaoti. Hei tauira:

28 + 57 = 20 + 8 + 50 + 7 (kua wāwāhia ngā tau ki ngā tekau me ngā kotahi)
             = 20 + 50 + 8 + 7 = 70 + 15 (kua tāpiria ngā tekau me ngā tahi)
             = 85

 

Ko te anga pirepire tētahi o ngā rauemi matua mō te whakaako i tēnei mea te wāwāhi tau, kia mārama ai te ākonga ki ngā rōpū o te rima, ngā rōpū rānei o te tekau i roto i tētahi tau.
Ko te 27 te tau e whakaaturia ana ki te anga pirepire nei. He mārama te kite atu i ngā rōpū o te tekau, arā, e rua ngā tekau, me te whitu atu anō. He mārama hoki te kitea o ngā rōpū o te rima. Arā, e 5 ngā rōpū o te rima, me te rua atu anō.

 

Arā anō tētahi rauemi matua mō te whakaako i te wāwāhi tau hei whakaoti tāpiritanga, tangohanga hoki. Ko te anga tekau tērā. Hei whakatauira i te tāpiritanga 8 + 5. E 8 ngā porotiti ki tētahi anga tekau, e 5 ki tētahi. Ka wāwāhia te 5 ki te 2 me te 3. E 2 ngā porotiti ka nukua atu ki te 8, kia eke ki te 10. He tau māmā te 10. He ngāwari noa iho te tāpiri i te 3 ki te 10, arā, ka 13:

 

Ko te mataono honohono tētahi atu rauemi e whakamahia ana hei wāwāhi tau, e kite ai te ākonga i ngā rōpū o roto i tētahi tau. Koia nei te 10 e whakaaturia ana ki ngā mataono honohono:

Kua wāwāhia te 10 ki ētahi wāhanga e rua:

 

Tauira KŌrero

E taea ana te 37 te wāwāhi ki ētahi tau māmā ake. 

Wāwāhia te 629 ki ōna rau, ki ōna tekau me ōna tahi. 

Ko tētahi wāwāhitanga o te 17, ko te 8 + 8 + 1.

WhakamĀrama Āpitihanga