!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Puoro, Te Reo Pāngarau, Ngā Mahi a te Rēhia
 
X
Te Reo Pāngarau

utu ~a

cost, price, pay

tūingoa, tūmahi whiti

WHAKAMĀRAMA

Ko te uara ā-tāra mō tētahi mea e hokona ana, pērā i tētahi taonga, tētahi ratonga, tētahi haerenga rānei.

The dollar value of something that is being sold, such as a good, a service, or travel.

Tauira KŌrero

E hia tāra te utu o te pukapuka?

Tātaihia te utu hoko mēnā e rua tekau ōrau te whakahekenga.

Ka utua e ia ki te tāra Amerikana.

WhakamĀrama Āpitihanga

Koia nei te raupapa o ngā hokohoko o tētahi taonga me ngā momo utu e hāngai ana ki tēnā, ki tēnā:

  1. Ka waihangatia te taonga e te kaiwhakaputa. Ka kīia ko te utu waihanga te utu hei whakaputa i te mea e hokona ana, kāore he tāpiritanga o te whakapikinga utu.
  2. Ka hokona ētahi taonga maha e te kaihoko waenga, mai i te kaiwhakaputa, ka whakaputu ai, hei hoko atu māna ki ngā kaihoko whakamutunga (arā, ko ngā toa).
  3. Ka hokona ētahi o ngā taonga e ngā kaihoko whakamutunga (pērā i ngā toa), mai i te kaihoko waenga, hei hoko atu anō mā rātou ki te marea. Ka kīia ko te utu waenga te utu ka tukuna ki te kaihoko waenga.
  4. Ka hokona te taonga e te kirihoko, ka kīia ko te utu whakamutunga te utu ka tukuna e ia ki te kaihoko whakamutunga.

 

I ia raupapatanga, ka tāpiria he whakapikinga utu hei moni hua mā tēnā o ngā kaihoko, mā tēnā. Hei tauira o te tātaitanga utu whakapiki:

$48.00 te utu waenga, ka whakapikia mā te 25%
25% (1/4 ) o te $48 = $12 – koirā te whakapikinga
$48 + $12 = $60 – koirā te utu whakapiki

 

I ētahi wā, ka whakahekea te utu o tētahi taonga hei whakarata, hei kukume i te hunga kirihoko. Hei tauira o te tātaitanga utu whakaheke:

$48.00 te utu hoko, ka whakahekea mā te 25% – koirā te whakahekenga ōrau
25% (1/4 ) o te $48 = $12 – koirā te whakahekenga ā-tāra
$48 − $12 = $36 – koirā te utu whakaheke

 

Ko te hoko harangotengote tētahi anō kaupapa hei whakarata, hei kukume i te hunga kirihoko. He whakaritenga tēnei kia tukuna e te kirihoko tētahi wāhanga iti o te utu i ia marama, i ia wiki rānei. Ka kīia ia utunga he utu harangotengote.

 

Tauira KŌrero

E hia tāra te utu o te pukapuka?

Tātaihia te utu hoko mēnā e rua tekau ōrau te whakahekenga.

Ka utua e ia ki te tāra Amerikana.

WhakamĀrama Āpitihanga