Pūtaiao

ua ~ina

rain

tūingoa, tūmahi poro

WHAKAMĀRAMA

He pata wai ka heke mai i ngā kapua i te Rangi. Ka takea mai te ua i te tōtā o te wairehu ina whakamātao te hau takiwā mahana. Ka hua mai he pata wai iti, ā, ka huihui ngā pata wai iti hei kapua.

Drops of water that fall from clouds. Rain is formed from the condensing of water vapour as warm air is cooled. Fine droplets of water are formed which congregate together to form clouds.

Tauira KŌrero

He aha ngā momo kapua e puta mai ai te ua?

Raupapahia ngā kupu mō ngā momo ua, mai i te kaha ki te māmā.

Ko te tōtā te tukanga matua e puta mai ai te ua.

WhakamĀrama Āpitihanga

Hei whakaahua i te putanga mai o te ua:

whakaahua arinui

E toru ngā takenga mai o te ua:

Ina tūtaki te hau whakapipi mahana me te hau whakapipi mātao, ka tōtā te wairehu o roto i te hau takiwā mahana, ā, ka puta te ua. Ka kīia he ua arotuki tēnei momo ua.
Ina peia te hau takiwā mahana ki runga pae maunga, ka tōtā te wairehu, ka puta te ua. Ka kīia he ua ikeike.
I ngā rohe he tino mahana te mata o te whenua, ka piki te hau takiwā mahana, ka tōtā i te Rangi, ā, ka heke hei ua tātā. Ka kīia he ua pārūrū.

Ara kē te huhua o ngā kupu a tēnā iwi, a tēnā iwi mō ngā momo ua. Anei ētahi:

ua tātā – he kaha tonu te heke o te ua
ua pūroro – he taikaha te heke o te ua
kōnehunehu – he māmā te heke o te ua
hāuaua – he māmā noa iho te heke o te ua
ua kōehuehu – he māmā, he pūkohukohu te āhua o te ua
ua kōpiro – ka tino mākū te whenua i tēnei momo ua.

KUPU KĒ ATU

marangai*

Tauira KŌrero

He aha ngā momo kapua e puta mai ai te ua?

Raupapahia ngā kupu mō ngā momo ua, mai i te kaha ki te māmā.

Ko te tōtā te tukanga matua e puta mai ai te ua.