!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia
 
X
Te Reo Pāngarau

tūhuratanga tauanga

statistical investigation

tūingoa

WHAKAMĀRAMA

He momo rangahautanga e whai wāhi mai ana te kohikohi, te wehewehe, te whakaatu me te tātari raraunga e pā ana ki tētahi kaupapa.

A type of research which involves collecting, sorting, displaying and analysing data about a particular topic.

Tauira KŌrero

Whakamāramatia mai te kaupapa o tēnei tūhuratanga tauanga.

Tuatahi, me āta whakatakoto te pātai matua mō te tūhuratanga tauanga.

I tēnei tūhuratanga tauanga, he mea tiki atu ngā raraunga i te pātengi raraunga www.censusatschool.org.nz 

WhakamĀrama Āpitihanga

E whā ngā wāhanga matua o tētahi tūhuratanga tauanga:

  1. Ko te whakamahere i te tūhuratanga: He aha ngā mōhioranga e rapua ana, arā, te/ngā pātai matua; he aha te whakapae mō ngā hua ka puta; ko wai te hunga ka uiuitia, ka tīkina atu rānei ngā raraunga i hea; he aha ngā pātai ka tukuna hei whakautu mā te hunga ka uiuitia; me pēhea te kohikohi i ngā raraunga.
  2. Ko te kohikohi raraunga: Arā pea, ka whakahaeretia tētahi uiuinga, tētahi whakamātau rānei, ka tīkina rānei ngā raraunga i tētahi atu pātengi raraunga.
  3. Ko te wehewehe raraunga me te whakaatu i aua raraunga ki ngā momo kauwhata e hāngai ana.
  4. Ko te tātari raraunga, arā, ko te āta tirotiro i ngā whakaari raraunga hei whakautu i te/ngā pātai matua o te tūhuratanga, hei whakaputa māramatanga ki te kaupapa i tūhuratia.

Nā runga i te tātari raraunga me ngā whakataunga/whakautu ka puta i te tūhuratanga (nama 4 kei runga ake nei), ka hua ake pea he pātai hou hei tūhura, ā, ka haere tonu ngā mahi tauanga, haere āmio nei. Ka kīia tēnei ko te tūhuratanga tauanga āmio.

 

Tauira KŌrero

Whakamāramatia mai te kaupapa o tēnei tūhuratanga tauanga.

Tuatahi, me āta whakatakoto te pātai matua mō te tūhuratanga tauanga.

I tēnei tūhuratanga tauanga, he mea tiki atu ngā raraunga i te pātengi raraunga www.censusatschool.org.nz 

WhakamĀrama Āpitihanga