!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia
 
X
Te Reo Matatini

kōrero kiritūnei

first person narrative

tūingoa

WHAKAMĀRAMA

I tēnei momo, ka whai tūranga te kaikōrero, te kaituhi rānei i roto i āna kōrero. Arā, ka kōrero te kaikōrero/kaituhi mōna anō (me ētahi atu pea). Ka mātua whakamahia ngā tūkapi pērā i te 'au', te 'māua' me te 'mātou', me ngā pūriro pēnei i te 'taku', te 'tō māua' me te 'ā mātou'.

In this form the speaker or writer has a position within their text. The speaker/writer talks about themselves (and possibly others as well). Pronouns such as 'au', 'māua' and 'mātou' are primarily used, as are the possessives such as 'taku', 'tō māua' and 'ā mātou'.

Tauira KŌrero

He kōrero kiritūnei tēnei nā te mea ko te haerenga a te kaituhi me tōna whānau ki tāwāhi te kaupapa.

Ka mātua whakamahia te kōrero kiritūnei i roto i te haukiri, inā e tuhi ana te kaituhi mōna anō.

Ki ētahi, kāore e tika ana te kōrero kiritūnei mō te pūrongo ōkawa.

WhakamĀrama Āpitihanga

Hei tauira o te 'kōrero kiritūnei' i te pakimaero:

  • "Koroua noa ahau , ka mau tonu te 15 o Whiringa-a-rangi 2007 ki taku manawa mō ake ake ake. Kotahi anō te kaihere i a mātau i taua rangi ..."*  

Hei tauira o te 'kōrero kiritūnei' i te tito waiata:

  • Kei te wawata ahau e, mō aku ōhākī kia hoki mai ...**

Hei tauira o te 'kōrero kiritūnei' i te whakataukī:

  • Tōku reo tōku ohooho, tōku reo tōku māpihi maurea, tōku reo tōku whakakai marihi.

 

*He rārangi kōrero mai i te pukapuka Matiu, nā Peti Nohotima i tuhi, nā He Kupenga Hao i te Reo i whakaputa i te tau 2010 (wh.7). 

**He rārangi mai i te waiata Aku Raukura, nā Ngoi Pewhairangi i tito. 

Takenga Mai

kiri - person, self

tū - position

nei - indicating location connected with speaker or writer

Tauira KŌrero

He kōrero kiritūnei tēnei nā te mea ko te haerenga a te kaituhi me tōna whānau ki tāwāhi te kaupapa.

Ka mātua whakamahia te kōrero kiritūnei i roto i te haukiri, inā e tuhi ana te kaituhi mōna anō.

Ki ētahi, kāore e tika ana te kōrero kiritūnei mō te pūrongo ōkawa.

WhakamĀrama Āpitihanga