!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Puoro, Te Reo Pāngarau, Ngā Mahi a te Rēhia
 
X
Te Reo Pāngarau

tuari

distribution

tūingoa

WHAKAMĀRAMA

Ko te āhua o te hora o tētahi huinga raraunga. Ka whakaaturia te tuari o ngā raraunga ki te kauwhata, ki te tūtohi rānei.

The way a set of data is spread out. The distribution of data can be shown on a graph or a table.

Tauira KŌrero

Pēhea nei te tuari o ngā raraunga?

He tuari māori tēnā nā te mea he hangarite ngā taha e rua o te kauwhata.

Ko te ine whānui me te toharite ētahi tātaitanga tauanga hei whakaatu i te tuari o tētahi huinga raraunga.

WhakamĀrama Āpitihanga

 

E tino whakamahia ana te kauwhata kauamo hei whakaatu i te tuari o tētahi huinga raraunga. Ko ngā āhuatanga ka whakaaturia ki te kauwhata kauamo, ko te mōkito me te mōrahi, ko ngā hauwhātanga, ko te tau waenga hoki. Hei tauira:

 

He tuari māori e whakaaturia ana ki te kauwhata nei. Arā, he hangarite te kauwhata. Ko te 36 wiki te tau tānui, te tau waenga me te toharite. He tokoiti ngā wāhine i raro i te 35 wiki te roa o te hapūtanga, he nui ake rānei i te 37 wiki. Ka kīia he ānau māori te rārangi e whakaatu ana i te tuari māori (arā, he hangarite te āhua o te rārangi):   

 

He tuari tītaha tēnei kauwhata, he tītaha tōrunga. Arā, ko te tihi kei te taha mauī o te kauwhata – he nui ake te toharite i te tau tānui: 

 

He tītaha hoki tēnei tuari,he tītaha tōraro. Arā, ko te tihi kei te taha matau o te kauwhata – he iti ake te toharite i te tau tānui:  

 

He tuari tihirua tēnei. Arā, e rua ngā tihi o te kauwhata, e rāpoi ana ngā raraunga ki ētahi tau tānui e rua: 

 

Tauira KŌrero

Pēhea nei te tuari o ngā raraunga?

He tuari māori tēnā nā te mea he hangarite ngā taha e rua o te kauwhata.

Ko te ine whānui me te toharite ētahi tātaitanga tauanga hei whakaatu i te tuari o tētahi huinga raraunga.

WhakamĀrama Āpitihanga