!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia
 
X
Te Reo Matatini

tūāhua

adjective

tūingoa

WHAKAMĀRAMA

He momo kupu hei whakaahua i te mea e tohua ana ki te tūingoa. Ko te 'whero', te 'nui', me te 'pōturi' hei tauira.

A type of word that describes the thing indicated by a noun. Examples are 'red', 'large' and 'slow'.

Tauira KŌrero

Whakaarohia ētahi tūāhua pai ake hei whakamahi māu i konei.

Tuhia ētahi tūāhua taurite.

Ko te tūāhua, ka whai i muri tonu i te tūingoa.

WhakamĀrama Āpitihanga

E toru ngā karangatanga tūāhua, he rerekē te whakamahinga o te tūāhua i tēnā me tēnā. 

1. Ko te tūāhua noa - hei whakaatu i te āhua o tētahi mea. Hei tauira:

  • He whero tōna tīhāte.
  • I kuhuna e ia tōna tīhāte whero .
  • Kua whero ōna pāpāringa i tana kaha ki te omaoma.

2. Ko te tūāhua whakatairite - hei whakatairite i ētahi mea e rua. Ka tāpiria te ‘ake’, te ‘atu’, te ‘iho’ rānei ki te tūāhua. He tauira:

  • He tere ake a Hema i a Pare.
  • He iti iho te utu mō te tamariki i tō te pakeke.
  • He roa atu i te rima meneti.

3. Ko te tūāhua inati - he kupu hei whakaatu i te mea kei runga ake tētahi āhua ōna, o roto i tētahi huinga. Ko ngā kupu ‘rawa atu’ e tino whakamahia ana i te reo Māori. Hei tauira:

  • O ngā tamariki katoa, ko ia te mea tere rawa atu ki te omaoma.
  • Kātahi te whakaaro pai rawa atu ko tēnā.

Ko te kīanga tūāhua, koia tētahi huinga kupu ka whakakapi i te wāhi o te tūāhua. Hei tauira:

  • Ko te wāhi i whānau ai au, kei tua o te awa e rere nei.
  • Ko te tangata mau pōtae rā, ko ia te kaiwaiata o te pēne.

Takenga Mai

tū - sort, type; āhua - appearance

KUPU KĒ ATU

kupuāhua

Tauira KŌrero

Whakaarohia ētahi tūāhua pai ake hei whakamahi māu i konei.

Tuhia ētahi tūāhua taurite.

Ko te tūāhua, ka whai i muri tonu i te tūingoa.

WhakamĀrama Āpitihanga