WhakamĀrama Āpitihanga
Koia nei tētahi pūāhua e whai wāhi mai ana tēnei mea te tōkeke. Tokotoru ngā tamariki e piu uka ana. Ka mea tētahi:
“E hoa mā, kia rua ngā piunga uka, ā, mēnā e rua ngā upoko ka toa ko koe (te tamaiti tuatahi). Mēnā e rua ngā whiore ko koe ka toa (te tamaiti tuarua). Mēnā kotahi te upoko, kotahi te whiore ko au ka toa.”
Mā te tuhi hoahoa rākau e kitea ai te tōkeke, te haukume rānei o tēnei pūāhua:
E whakaatu ana te hoahoa rākau i ngā putanga e whā e taea ana. Kotahi te putanga o ngā upoko e rua, kotahi te putanga o ngā whiore e rua, e rua ngā putanga o te whiore kotahi me te upoko kotahi. Nō reira, he nui kē atu te tūponotanga ka puta te upoko kotahi me te whiore kotahi. Kāore i te tōkeke tēnei pūāhua.