!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Puoro, Te Reo Pāngarau, Ngā Mahi a te Rēhia
 
X
Puoro

tohu puoro

musical notation, tablature

tūingoa

WHAKAMĀRAMA

He pūnaha tuhi puoro hei whakaatu i ngā āhuatanga ā-rongo, pērā i te tangi, te manawataki, te wairua, te tangiata, me te roa o ia oro.

A system of writing music to show aural aspects such as pitch, beat, mood, chords and the length of individual notes.

Tauira KŌrero

E rua ngā tārawa hei tohu puoro mō te piana - tētahi mō te ringa mauī, tētahi mō te ringa matau.

Pēhea nei te whakaatu i ngā tohu puoro mō te whakatangi ukurere?

Whakaarohia āu ake tohu puoro hei whakaatu i te rere o ngā oro.

WhakamĀrama Āpitihanga

Arā ngā momo tohu puoro ōpaki ka puta i te auahatanga o tēnā kaitito, o tēnā kaitito. Hei tauira:

 

 

Ko te tikanga matua o te tohu puoro ōkawa e whāia ana i ēnei rā mō ngā momo puoro puta noa i te ao, ko te tārawa rārangi rima. Ko te wāhi tuhi i te oro ki te tārawa hei whakaatu i tōna tangi, arā, tōna tīkā, tōna mārū rānei:

 

E rua ngā tohu tārawa matua, ko tētahi mō ngā oro mārū, ko tētahi mō ngā oro tīkā. Mēnā e hono ana ngā tārawa, he tohu tērā kia haere tahi ngā oro kei ngā tārawa e rua:

 

Ko te ‘toru whā’ te tohumita i te puoro kei runga ake nei, arā, e toru ngā taki ki ia tapa. He kaha ake te whakatangi i te taki tuatahi o ia tapa, ā, mā konei e puta ai te ūngeri o te puoro.

E rua ngā pūnaha whakaingoa i te roa o ngā oro. Koia nei ngā tohu oro, ngā tohu ngū me ngā ingoa o te pūnaha Ingarihi me te pūnaha Amerikana:

tohu oro

tohu ngū

ingoa
(pūnaha Ingarangi)

ingoa
(pūnaha Amerikana)

 

takiwhā

takitahi

 

takirua

takihaurua

 

takitahi

takihauwhā

 

takihaurua

takihauwaru

 

takihauwhā

takihau-tekau mā ono

 

takihauwaru

takihau-toru tekau mā rua

 

 

Ka tuhia he tongi ki te taha matau o tētahi oro hei whakaroa i taua oro mā te haurua atu anō. Ka kīia ēnei, he oro tongi. Hei tauira:

 

He momo tohu puoro kē e hāngai ana ki ngā taonga whakatangitangi whai ripa, pērā i te kitā. Hei tauira, e tohua ana te tangiata C matua i tēnei tohu puoro. Ko ia rārangi o te tārawa e tohu ana i tētahi aho o te kitā, ā, ko ngā tau e tohu ana i te ripa e pēhia ai taua aho (ko te 0 hei tohu i te aho wātea, ko te 1 hei tohu i te ripa tuatahi ...): 

 

 

 

 

 

 

 

Tauira KŌrero

E rua ngā tārawa hei tohu puoro mō te piana - tētahi mō te ringa mauī, tētahi mō te ringa matau.

Pēhea nei te whakaatu i ngā tohu puoro mō te whakatangi ukurere?

Whakaarohia āu ake tohu puoro hei whakaatu i te rere o ngā oro.

WhakamĀrama Āpitihanga