!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia
 
X
Te Reo Pūtaiao

tere

speed

tūingoa, tūmahi poro, tūāhua

WHAKAMĀRAMA

Ko te kaha hohoro, pōturi rānei o te nuku o tētahi mea. E mōhiotia ai te tere o tētahi mea mā te ine i te tawhiti o te haere o taua mea i roto i takanga o tētahi wā.

The quickness or slowness at which an object moves. The speed of an object is measured by the distance it travels in a particular period of time.

Tauira KŌrero

Me pēhea te tātai i te tere toharite o te pahikara?

Raupapahia ngā mea nei, mai i te mea tere rawa atu ki te mea pōturi.

Mā te whakaiti i te waku e piki ake ai te tere.

WhakamĀrama Āpitihanga

Ka tuhia te tere o tētahi mea hei pāpātanga. Hei tauira, ko te tere o te motukā e whakaaehia ana e te ture ki roto i te tāone, ko te 50km/h.

Ki te tuhia he kauwhata hei whakaatu i te tawhiti o tētahi haere i te takanga o te wā (kauwhata tawhiti-wā), ko te rōnaki o te kauwhata hei tohu i te tere o te haere: 

  • Mēnā he rārangi huapae te kauwhata, kāore te mea e nuku ana (kāore e oti he tawhiti i te takanga o te wā):

 

  • Mēnā he pūmau te rōnaki o te rārangi, e pūmau ana te tere (tere pūmau). Mēnā he poupou te rārangi he tere te haere, mēnā he māmā te rōnaki, kāore i te pērā rawa te tere:

 

  • Mēnā he ānau whakapiki te kauwhata, e piki ana te tere o te haere, arā, e whakahohoro ana:

 

Ko te ine-tere o tētahi motukā hei tohu i te tere inamata o taua motukā, arā, te tere o te motukā i taua wā tonu. Ko te 40km/h te tere e whakaaturia ana i te ine-tere nei. Ko te 40km te tawhiti ka oti mēnā ka pūmau te tere mō te roanga atu o tētahi haora:

 

I te roanga atu o te haere o tētahi motukā, kāore e pūmau te tere - he wā ka piki ake, he wā anō ka heke iho. E tātaihia ai te tere toharite o tētahi mea, me whakawehe te tawhiti o te haere ki te wā e oti ai taua tawhiti. Arā te whārite: t = T/w (t = tere, T = tawhiti, w = wā)

Mēnā ka oti te 80km i te haora kotahi, ka kīia ko te 80km/h te tere toharite, ahakoa te piki me te heke o te tere i te roanga atu o taua haora.

Tauira KŌrero

Me pēhea te tātai i te tere toharite o te pahikara?

Raupapahia ngā mea nei, mai i te mea tere rawa atu ki te mea pōturi.

Mā te whakaiti i te waku e piki ake ai te tere.

WhakamĀrama Āpitihanga