!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia
 
X
Te Reo Pūtaiao

taurangi

variable

tūingoa

WHAKAMĀRAMA

Ko tētahi rahinga, tētahi āhuatanga rānei ka rerekē haere, ka taea rānei te whakarerekē.

A quantity or characteristic that changes, or is able to be changed.

Tauira KŌrero

Ko tēhea te taurangi e whakamātauria ana?

Rārangihia mai ngā taurangi o tēnei whakamātau.

Kotahi anake te taurangi ka whakarerekēngia i roto i te whakamātau tika.

WhakamĀrama Āpitihanga

He maha ngā taurangi o tētahi whakamātau. Hei tauira, mēnā e tukuna ana tētahi waka ki runga i tētahi rōnaki kia kitea ai te tawhiti o te haere, koia nei ētahi o ngā taurangi:

  • te taumaha o te waka
  • te poupou o te rōnaki
  • te āhua o te papa o te rōnaki (mēnā he pāhekeheke, he taratara rānei)
  • te rahi o ngā wīra o te waka
  • te maha o ngā wīra o te waka
  • te tawhiti o te haere o te waka inā tukuna
  • te wāhi i te rōnaki i tukuna ai te waka.

I roto i tētahi whakamātau ka noho pūmau ētahi o ngā taurangi, kāore e whakarerekēngia nā te mea kāore e tūhurangia ana te whai pānga o aua taurangi. Ka kīia he taurangi whakatina.

Mēnā ka rerekē tētahi taurangi nā te whakarerekē i tētahi atu, ka kīia he taurangi whakamauru tērā. Ko te taurangi i whakarerekēngia, ka kīia he taurangi rāwekeweke. Hei tauira, mēnā ka tukuna te waka e whakaaturia ana i runga nei, ā, kāore e whakarerekēngia te rahi me te maha o ngā wīra, te āhua o te papa o te rōnaki, me te taumaha o te waka, koia ērā ko ngā taurangi whakatina. Ka whakarerekēngia te poupou o te rōnaki kia kitea ai te tawhiti o te haere o te waka. Ko te poupou o te rōnaki te taurangi rāwekeweke. Ko te tawhiti o te haere o te waka te taurangi whakamauru.

Takenga Mai

taurangi - unsettled, changing, changeable

KUPU KĒ ATU

tāupe

Tauira KŌrero

Ko tēhea te taurangi e whakamātauria ana?

Rārangihia mai ngā taurangi o tēnei whakamātau.

Kotahi anake te taurangi ka whakarerekēngia i roto i te whakamātau tika.

WhakamĀrama Āpitihanga