Ko tētahi tuhinga kōrero e whakaritea tonutia ana i mua i te whakaputanga.
A piece of writing still in preparation, before being published.
Tauira KŌrero
Kei te whakatika tonu ia i te tauira o tana tuhinga roa.
He tauira tonu tēnei tuhinga, inā te nui o ngā hapatātaki kupu!
Nāna i tuku tana tauira hei whakatika mā tōna koroua.
WhakamĀrama Āpitihanga
Ko te tuhi tauira tētahi wāhanga nui o te tukanga tuhituhi, inā ko te waihanga haere a te kaituhi i ana kōrero, ko te raupapa i ōna whakaaro, ko te whakanikoniko i āna kupu. I te wā e tuhia ana te tauira, ka hokihoki te kaituhi ki te tirotiro i tana tuhinga ki te āta whakaaroaro i ngā āhuatanga pēnei i ēnei:
te kounga o te tuhituhi (ki te whakaaro tonu o te kaituhi);
te hāngai o ngā kōrero ki te hunga pānui (pēnā he tamariki, he pakeke rānei);
te hāngai o ngā kōrero ki te momo o te tuhinga (pēnā he pūrongo, he paki rānei);
te mārama o ngā kōrero;
te tika, te pono, te pohewa, te auaha rānei o ngā whakaaro o roto;
te tika me te Māori o te whakatakoto i ngā kupu (pēnā e whai ana i ngā tikanga wetereo);
I ētahi wā, e rua, nui kē atu rānei ngā tauira o tētahi tuhinga, ā, he maha hoki pea ngā kanohi takatā, ngā kaiwhakatika i mua te whakaputanga o te tuhituhi.
KUPU KĒ ATU
tuhinga hukihuki
Tauira KŌrero
Kei te whakatika tonu ia i te tauira o tana tuhinga roa.
He tauira tonu tēnei tuhinga, inā te nui o ngā hapatātaki kupu!
Nāna i tuku tana tauira hei whakatika mā tōna koroua.