Te Reo Matatini

kī horipū

quote, quotation, direct speech

tūingoa

Ko te tārua, ko te whakaatu mārire i ngā kōrero ā-waha a tētahi i roto i te tuhinga. Ka tīhaoa ngā kupu ki te tohukī, arā:

The repetition or exact rendering of a person’s spoken words in text. The words are enclosed in speech marks.

E ako ana tātou ki te whakauru kī horipū ki ā tātou tuhinga.

Me tīhao te kī horipū ki ngā tohu nei, he rite ki te koru iti te āhua.

I ētahi wā, ka whakaaturia nā wai te kī horipū, he wā anō kāore he take – mā te horopaki e mōhiotia ai.

Mēnā ka whakamāramatia he aha ngā kōrero a tētahi, ka kīia tērā ko te kī tāhapa. Hei tauira o te kī horipū me te kī tāhapa:

Kī horipū	Kī tāhapa e hāngai ana
Ko te kōrero mateoha a Pita, ‘E taku hoa piripono, ko koe te tīmatanga me te mutunga o taku ao’.	Ka whakaputa kōrero a Pita ki tana hoa piripono, hei whakaatu i tōna aroha nui ki a ia.
Ka kī a Pāpā, 'Kua hora te tēpu. Haramai tātou ki te kai.'	Ko te kī mai a Pāpā, kua hora te tēpu, me haere tātou ki te kai.

kī - to say, speak

horipū - direct

kī takitaki

E ako ana tātou ki te whakauru kī horipū ki ā tātou tuhinga.

Me tīhao te kī horipū ki ngā tohu nei, he rite ki te koru iti te āhua.

I ētahi wā, ka whakaaturia nā wai te kī horipū, he wā anō kāore he take – mā te horopaki e mōhiotia ai.