!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Puoro, Te Reo Pāngarau, Ngā Mahi a te Rēhia
 
X
Ngā Mahi a te Rēhia

tāhū

plot

tūingoa

WHAKAMĀRAMA

Ko ngā mahi matua ka hua ake i roto i tētahi paki, i tētahi whakaari, i tētahi kiriata rānei.

The main events that unfold in a story, a play or film.

Tauira KŌrero

Kua oti te tāhū o te whakaari te tuhi, ko te whakakikokiko ināianei.

Whakarāpopotohia te tāhū o te paki e whakaaro ana koe ki te tuhi.

Kātahi te tāhū whīwhiwhi, me whakamāmā pea.

WhakamĀrama Āpitihanga

Mēnā e whai ana tētahi mahi i tētahi i roto i te paki, ka kīia tērā he tāhū raupapa. I te tāhū whakahipahipa, kāore ngā mahi e noho raupapa ana.

Koia nei ētahi o ngā āhuatanga ka whai wāhi atu ki te tāhū:

  • Ko te whakatakinga. Koia nei te tīmatanga o te paki. I tēnei wāhanga ka tūtaki atu ki ngā kiripuaki matua, ka huraina te kaupapa o te paki.
  • Ko te tutūnga o te puehu, arā pea he taututetute, he raruraru ka pā ki waenga i ētahi o ngā kiripuaki, he mōrearea rānei ka hua ake. I tēnei wāhanga ka piki haere te poho tārewa me te manawapā o te hunga mātakitaki, o te hunga pānui.
  • Ko te karamata, arā, te tino pahūtanga, te huringa pea o te kiripuaki matua ki te whai i ara kē. He āhuatanga ohorere pea ka puta i tēnei wāhanga o te paki, ka kīia ko te whakaohorere. He āhuatanga tuhi tēnei hei whakapiki i te hiahia o te kaipānui kia pānui tonu ia i te paki
  • Ko te taihuringa, arā, ko muri mai i te karamata. Ko te wāhanga o te paki e kaha ana te manawapā, ā, ka tīmata ngā mahi e tau ai te puehu ā tōna wā. 
  • Ko te tatūnga. Ko te hekenga tēnei ki te mutunga o te paki. I tēnei wāhanga ka whakatauria te raruraru, ka mauru haere te manawapā.
  • Ko te whakakapinga, arā, te mutunga o te paki. He wā ka mānawanawa te kaimātakitaki, te kaipānui rānei i te taunga o ngā kare ā-roto, ka mānawanawa anō ngā kiriwhakaari i te pau o te hau.
  • Ko te tāhū iti, arā, he mahi kē atu e haere ana i te paki engari he iti ake i te tāhū matua. Ākene pea he rerekē ngā kiripuaki e kawe ana i te tāhu iti i ērā e kawe ana i te tāhū matua. Mēnā he tauaro, he ātete te tāhu iti i te tāhū matua, ka kīia tērā he tāhū taupatupatu

Takenga Mai

tāhū - ridge beam of a meeting house

Tauira KŌrero

Kua oti te tāhū o te whakaari te tuhi, ko te whakakikokiko ināianei.

Whakarāpopotohia te tāhū o te paki e whakaaro ana koe ki te tuhi.

Kātahi te tāhū whīwhiwhi, me whakamāmā pea.

WhakamĀrama Āpitihanga