!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Puoro, Te Reo Pāngarau, Ngā Mahi a te Rēhia
 
X
Te Reo Pāngarau

raraunga

data

tūingoa

WHAKAMĀRAMA

He kohinga pārongo, he huinga tau, huinga inenga rānei e pā ana ki tētahi kaupapa. Ka whakaaturia ki te tūtohi me ngā momo kauwhata kia kitea ai ngā tauira, ngā pānga me ngā ia o roto i ngā raraunga.

A collection of information, a set of numbers or measurements relating to a particular topic. Data is displayed in tables and graphs in order that patterns, relationships and trends in the data can be seen.

Tauira KŌrero

Tuhia ngā raraunga ki te tūtohi.

E rua ngā rōpū raraunga e whakaaturia ana ki te kauwhata.

Mehemea ka inea te tāroaroa o ngā tamariki, he raraunga ērā inenga, ā, ka taea te whakaatu ki te tūtohi, ki te kauwhata rānei.

WhakamĀrama Āpitihanga

He huinga raraunga tēnei, ko ngā tapeke hahau pōro a Hīria i ētahi kēmu hahau pōro e iwa:{85, 82, 93, 88, 80, 78, 79, 94, 87}

Ka kīia tēnei momo raraunga he raraunga matatahi nā te mea kotahi anake te taurangi, arā, ko ngā tapeke hahau pōro a Hīria. He tauira hoki o te raraunga tau, ina he tau ēnei raraunga. Ko te kauwhata rautō tētahi o ngā momo whakaari raraunga e pai ana mō te raraunga matatahi, e kitea ai te āhua o ngā raraunga:

Ko te raraunga ine, he momo ka hua ake i te inenga o tētahi āhuatanga. Hei tauira:

He huinga raraunga anō tēnei. Ka kiīa he raraunga matarua ēnei momo raraunga nā te mea e rua ngā taurangi (ko te pakeke o te ākonga me tōna tāroaroa). Ko te kauwhata marara tētahi o ngā whakaari raraunga hei whakaatu i ngā raraunga matarua, e kitea ai te pānga o tētahi taurangi ki tētahi:

 

Ko te raraunga whakarōpū, koirā ngā raraunga e hāngai ana ki ētahi rōpū. Mā te kupu e tohu ngā rōpū. Hei tauira:

E tika ana kia whakaaturia ngā raraunga whakarōpū o runga ake nei ki te kauwhata pou. Ka tū wehe kē ia pou o te kauwhata nā te mea e tū motuhake ana ia hākinakina. Ka kīia he raraunga whakarōpū motumotu:


Mō te raraunga matatini, he nui ake i te kotahi ngā taurangi mō ia rōpū raraunga. Hei tauira, ko te taumaha o ngā momo āporo i hua mai i ngā rākau o tētahi kāinga i ngā tau mai i te 2004 ki te 2010:

Ko te kauwhata pou whakaapaapa tētahi o ngā whakaari raraunga hei whakaatu i ngā raraunga whakarōpū matatini. Hei tauira:

 

Takenga Mai

rarau - lay hold of

Tauira KŌrero

Tuhia ngā raraunga ki te tūtohi.

E rua ngā rōpū raraunga e whakaaturia ana ki te kauwhata.

Mehemea ka inea te tāroaroa o ngā tamariki, he raraunga ērā inenga, ā, ka taea te whakaatu ki te tūtohi, ki te kauwhata rānei.

WhakamĀrama Āpitihanga