!
Welcome to PAEKUPU, words related to Te Marautanga o Aotearoa. Curriculum areas presently available on PAEKUPU: Toi Ataata, Te Reo Matatini, Puoro, Te Reo Pāngarau, Te Reo Pūtaiao, Ngā Mahi a te Rēhia
 
X
Te Reo Pūtaiao

day

tūingoa

WHAKAMĀRAMA

Te wā e oti ai tētahi huringa kotahi o Papatūānuku i tōna pou tāwhirowhiro. E 23 hāora e 56 meneti te roa. Nā te takahuri tonu o Papatūānuku ka rerekē haere te wāhanga o Papatūānuku e anga atu ana ki te Rā. I tētahi wāhanga o te huringa, kei muri a Aotearoa, kāore e whitia ana e te Rā, kei roto i te pōuri. Ka kīia ko te pō. He wā anō i te huringa o Papatūānuku ka tau mai te aho o te Rā ki Aotearoa, ka awatea.

The time taken for the Earth to spin once on its axis. This is equal to 23 hours and 56 minutes in  length. Because the Earth is rotating, the part of the Earth receiving light from the Sun changes. In part of the rotation, Aotearoa is at the rear and receives no light from the Sun. At another  part of the cycle, Aotearoa does receive light from the Sun.

Tauira KŌrero

He aha ngā wāhanga matua o te rā?

Whakamāramatia mai te take e poto ake ai ngā rā o te hōtoke.

Ko te awatea te wāhanga o te rā e tau tuatahi ai te aho ki te whenua.

WhakamĀrama Āpitihanga

He tītaha te takahurihuri o Papatūānuku i tōna pou tāwhirowhiro. Nā tēnei āhuatanga he nui ake ngā hāora awatea i te raumati, ā, he mahana ake nā te mea e pātata atu ana a Aotearoa ki te .  He nui ake ngā hāora o te pō i te hōtoke, ā, he mātao ake. He wā anō i te ngahuru me te kōanga, ka ōrite te roa o te awatea me te pō, ka kīia ko te pahore o Rehua:

 

Ka kīia ko te tuakaihautanga o Tamanuiterā te rā he roa rawa ngā hāora o te awatea (arā, ko waenganui o te raumati), he roa rawa rānei ngā hāora o te pō (arā, ko waenganui o te hōtoke).

Ko te Ihu o Hineraumati hei ingoa mō te tuakaihautanga ka tau ki Aotearoa i te marama o Hakihea (te 22 o Hakihea).

Ko te Ihu o Hinetakurua hei ingoa mō te tuakaihautanga ka tau ki Aotearoa i te marama o Pipiri (te 22 o Pipiri).

KUPU KĒ ATU

rangi

Tauira KŌrero

He aha ngā wāhanga matua o te rā?

Whakamāramatia mai te take e poto ake ai ngā rā o te hōtoke.

Ko te awatea te wāhanga o te rā e tau tuatahi ai te aho ki te whenua.

WhakamĀrama Āpitihanga