He kupu wetereo ngā pūtohu, he kupu hangahanga i te rerenga kōrero, kāore ōna tikanga ake, ka kīia he kupu kōiwi.
WhakamĀrama Āpitihanga
Ka kīia he pūnoa ētahi pūtohu, arā, kāore e tohua ana mēnā he takitahi, he takitini rānei te tūingoa. Ko ‘he’ te tino pūnoa i te reo Māori. Hei tauira: 'he kapua', 'he tūru'.
Ko ētahi pūtohu ka kīia he pū tautuhi – ko ēnei e tohu ana mēnā he takitahi, he takitini rānei te tūingoa e whai ana i muri. Ko te ‘te’ me te ‘ngā’ ngā pū tautuhi matua o te reo Māori. Hei tauira: 'te matimati', 'ngā matimati', 'te tāone', 'ngā tāone'.
Ko te ‘a’ tētahi atu momo pūtohu, ka kīia he pūmoko, koia hei hoa whakauru i te tūmoko. Hei tauira: Kei hea a Mākere?