WhakamĀrama Āpitihanga
Ko te īpukapuka tētahi āhuatanga o te ao matihiko, arā, ko te whakaputa pukapuka hei pānuitanga i te rorohiko, i te īPapa rānei.
Ko te puka oro tētahi atu momo, arā, ka hopukina ngā tuhinga o te pukapuka ki te kōpae matihiko hei whakarongo mā te tangata. I ētahi wā, ka tāpiria he orotaunaki hei whakaniko i te paki.
Koia nei ngā wāhanga matua e toru o tētahi pukapuka me ngā kaupapa ka taka ki tēnā wāhanga, ki tēnā wāhanga:
| Ko te tūtanga mua | Ko te puku | Ko te tūtanga muri |
te uhi mua ngā whakamihi ngā ihirangi te rārangi hoahoa, tūtohi, mahere te kupu takamua | ngā wāhanga | te uhi muri te turukitanga ngā āpitihanga te papakupu whāiti, kuputaka rānei te kuputohu te haurongo kaituhi |
Koia nei ētahi atu wāhanga o te pukapuka. He uhi mārō tō tēnei pukapuka pono:
He uhi ngohe tō tēnei pukapuka paki. Kua tuhia te kupu kāhakihaki ki te uhi o muri. He paku whakaatu te kupu kāhakihaki i te tāhū o te paki hei whakapoapoa i te tangata ki te pānui i te pukapuka.
